<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Prishtina në sytë e perandorit bizantin: një fshat i parrethuar me mure

Një përmendje e shkurtër, por interesante në kronikën e perandorit bizantin, Jan Kantakuzeni, sjell një përfytyrim të ri për Prishtinën.

E konsideruar si referenca e parë historike për Prishtinën, kronikani bizantin përmend ngjarjet e vitit 1342 dhe marrëdhëniet e rënduara mes bizantinëve në tërheqje dhe feudalëve serbë që po avanconin drejt jugut.

Duke qenë vetë i pranishëm në takimin me carin serb, Stefan Dushan, Kantakuzeni e përshkruan Prishtinën e asokohshme si ‘fshat i parrethuar me mure’.

“Kur mori vesh që Krali, së bashku me gruan, vinin tek ai edhe ai ua ktheu vizitën dhe bënte shumë deklarata për miqësinë. Duke u nisur nga Shkupi shkoi në një vend, i cili për bukurinë e tij quhej Palloj. Atje, në një fshat të parrethuar me mure që quhej Prishtinë, u takua me Kralin, i cili kishte arritur me gruan”.

Për historinë e shqiptarëve në botën bizantine, kronika e Kantakuzenit sjell njoftime me vlerë, sidomos për kryengritjet e tyre kundër pushtetit të perandorit, Andronik.

postbck postbck