Në shikim të parë, kjo nuk duket diçka e jashtëzakonshme: Një skenë e vjetër bardhë e zi e një qyteti çuditërisht të braktisur, i ndotur nga ndonjë proces primitiv fotografik.
Por ky imazh i marrë në Paris, Francë, në vitin 1838, besohet të jetë fotografia më e vjetër, e cila deri më tash është publikuar nga ndonjë person, transmeton Telegrafi.
Në këndin e majtë të fotos shihet një person i ulur, duke ju pastruar çizmet në trotuar nga një këpucë-lustrues.
Imazhi është postuar në internet më parë, por ai fitoi një profil më të lartë, pasi ueb-faqja e lajmeve Mashable ka publikuar versionin e plotë të faqes të mërkurën, në partneritet me Retronaut, ueb-faqen e njohur me arkivin e saj të fotografive nga e kaluara.
Imazhi është marrë nga fotografi francez, Louis Daguerre, i njohur për foto-portretet e tija të para, një lloj i hershëm i fotove të prodhuara në një pjatë argjendi, ose një pjatë argjendi e mbuluar me bakër.
Fotoja shfaq bulevardin “Du Temple”, një zonë atëkohë e njohur për dyqane mode, kafene dhe teatro.
Ndërsa Joseph Nicephore Niepce, një nga partnerët e Daguerre, i cili ka përdorur një aparat fotografik të papërpunuar, ka kapur pamje nga një dritare në pronën e tij në vitin 1826 ose 1827.
Sot, kur pothuajse të gjithë kanë një aparat telefoni në xhepin e tyre dhe më shumë se 350 milionë foto ngarkohen çdo ditë në rrjetet sociale, moment historik i Daguerre duket i çuditshëm. Në vitin 2014, fotografi mund të kishte bërë vetëm një selfie. /Telegrafi/
Pos që janë të njohur për ngjyrën e trëndafiltë të puplave të tyre, flamengot janë…
Nga: Daut Dauti Në gusht të vitit 1823, Lord Byroni qëndronte në anijen “Hercules”, jo…
Një studim i ri ka hedhur dritë mbi shkakun e baticave të kuqe që…
Shenjat e gishtave janë karakteristika unike të çdo individi, të formuara gjatë zhvillimit fetal.…
Sipas Shoqatës Amerikane të Kancerit, një i rritur mesatar në Shtetet e Bashkuara ka…
Një diagnozë mund të ndryshojë jetën dhe marrja e saj më shpejt se sa…