Një helmetë antike e gjetur në Kroaci në mes të dhjetorit 2020 ka ngjallur debat. Bëhet fjalë për një zbulim të bërë në Zakotarac, në Dalmacinë e jugut.
Sipas arkeologëve, helmeta i përket një luftëtari që është varrosur aty rreth 2000 vite më parë. Ajo njihet si ‘Helmeta Ilire’ por pavarësisht këtij emërtimi atë e pretendon edhe Greqia, shkruan Daily Mail.
Historianët e vendit fqinj, thonë se ajo është përdorur fillimisht në Greqinë antike në shekullin e 5-të para erës sonë, ndërsa ilirët sipas tyre e kanë përdorur atë në shekullin e 4-ët para erës sonë.
Bashkë me helmetën, brenda varrit të moçëm, arkeologët kroatë kanë zbuluar edhe disa zbukurime e objekte të tjera që sipas të gjitha gjasave luftëtarit të varrosur aty.
Ndërsa ‘Helmeta ilire’ është një nga shumë elementët identifikues të kulturës ilire në Ballkan, sipas arkeologëve kroatë, ajo e gjetur së fundmi, mund t’i ketë përkitur një luftëtari grek duke qenë se pranë janë gjetur edhe zbukurime, monedha e disa mbetje anijesh, shumica e të cilave përafrohen më shumë me ato që kanë lidhje me Greqinë antike.
Sipas tyre, mbetjet e gjetura në zonë mund të kenë ardhur aty nga piratët ose kanë qenë pjesë e luftëtarëve që kanë marrë pjesë në ndonjë nga betejat antike të zhvilluara aty./inex.press
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…