Rikujtesë
RAPSODËT- RUAJTËSIT MË BESNIKË TË HISTORISË SONË
Ruajtësit më besnikë të historisë sonë, padyshim, ishin rapsodët! Njëri nga ta edhe Cufë Kadishani, për të cilin e pata një fejton prej tetë vazhdimesh “CUFË KADISHANI- RAPSOD I NJË SHEKULLI”. e që, po pata mundësi, do ta kurorëzoja edhe në një monografi të merituar.
Për këtë edhe bëmë një takim pune në Skënderaj me Shefqet Kadishanin, birin e Rapsodit të njohur Cufë Kadishani, koleksionuesin e pasionuar të këngës burimore shqipe, i cili ka arkivin më të kompletuar me kaseta e shirita manjetofoni, ku ruhet folklori ynë shumë i çmuar…
Rapsodi Cufë Kadishani jetoi 102 vjet, diti mbi 500 këngë, u shqua edhe si tregimtar, pajtues gjaqesh, kultivues i prozës tregimtare dhe i shprehjeve popullore. Ishte bashkëkëngëtar me rapsodin e njohur drenicas-Habib Kukajn për mbi 40 vjet. Pos tjerash ata kënduan edhe dasmën e kryetrimit Azem Galica (e kënduan këngën e Oso Kukës nga “Lahuta e Malcisë” të Gjergj Fishtës).
Dhe, prandaj them me plot gojën se ky Rapsod meriton respekt dhe nderim të veçantë!
Ai meriton të përjetësohet, ashtu siç vetë i përjetësoi trimat tanë, që me gjakun e Tyre mbrojtën Atdheun që na e lanë amanet!
Lavdi e përjetshme për të madhin Cufë Kadishani dhe të gjithë rapsodët tanë!
Një zhurmë vdekjeprurëse, një tingull i lagësht dhe gurgullues kur merr frymë një…
Shkencëtarët kanë zbuluar një sinjal të fshehur në ekzaminimet e zakonshme të zemrës,…
Domatja është një nga perimet më të përdorura në ushqimin e përditshëm, por…
Me ardhjen e ditëve të ftohta dhe ndezjen e ngrohjes, në shumë apartamente…
Të mbyllësh sytë në mbrëmje dhe t’i hapësh vetëm kur bie alarmi. Për shumë njerëz,…
Ato janë ushqimi simbolik i vjeshtës, të shijshme dhe të vlerësuara në një mori përgatitjesh…