<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Kush ishte piloti i parë shqiptar i Kosovës?

Nga: Bajram Mjeku

Pak kush e di se Mark Gashi ishte piloti i parë i aviacionit ushtarak në Jugosllavinë mbretërore, gjatë viteve tridhjetë të shekullit të kaluar. Në historikun e shqiptarëve në ish-Jugosllavi, besohet që Mark Gashi ishte piloti i parë shqiptar.

Mark Gashi lindi në vitin 1913 në Selishtë të Karadakut të Gjilanit nga babai Antonio dhe nëna Marie.

Shkollën Fillore e kreu në Zhegër dhe Gjimnazin në Gjilan. Më vonë shkoi në Shkup dhe kreu edhe Normalen. Gjatë sundimit të Jugosllavisë mbretërore, Mark Gashi mbaroi Akademinë Ushtarake të aviacionit në Mostar e Zemun. Pas shpartallimit të Jugosllavisë mbretërore, Marku u arrestua nga bullgarët pasi vendlindja e tij, Selishta, ishte në zonën bullgare të pushtimit. Së bashku me disa shokë që gjendeshin në burg, mbërriti të ikte nga burgu bullgar i Preshevës dhe shkoi në Gjilan, pasi ky i fundit ishte në zonën italiane të pushtimit. Edhe italianët e internuan dhe e dërguan në Bergamo të Italisë, por u lirua pas tre muajsh.

Kur u kthye nga internimi, Mark Gashi punoi sekretar në Komunën e Strezovcit, pastaj në fshatrat Ropotovë e Parallovë të Kamenicës, infermier në Shtëpinë e Shëndetit në Ferizaj, arkivist në Gjykatën e Paqit në Nënprefekturën e Gjilanit dhe së fundi ishte toger intendant i Ushtrisë së Shqipërisë.

Gjatë vitit 1944, krahas punëve administrative e ushtarake në Ushtrinë shqiptare, Mark Gashi u përkushtua për mbrojtjen e trojeve etnike lindore dhe për mbetjen e tyre në kufijtë e Shqipërisë Etnike.

Kur në nëntor të vitit 1944 Kosova u ripushtua nga Serbia, Mark Gashi u inkuadrua në Brigadën e Shtatë të Preshevës. Në mars të vitit 1946, Mark Gashi u arrestua nga regjimi komunist dhe u dënua me disa vjet burg, pasi mori pjesë në luftimet për mbrojtjen e vijës kufitare shqiptaro-serbe në Luftën e Preshevës, e cila ndodhi më 15 shtator të vitit 1944. Mark Gashi u lirua mbas katër vjet e gjysmë qëndrimi në burg, pastaj punoi si arkivist, më vonë mësues, si dhe mësues e drejtor në shkollën e Caravajkës. Mark Gashi punoi edhe si përgjegjës i arsimit në Preshevë dhe hapi disa shkolla shqipe.

Për shkak të veprimtarisë së tij të dendur, Mark Gashi nga regjimi komunist u arrestua sërish në vitin 1958, tash si aktivist i Lëvizjes Nacionaldemokratike shqiptare dhe u dënua me dhjetë vjet burg të rëndë.

Idealisti i përjetshëm Mark Gashi derisa ndërroi jetë, jetoi në një banesë me qira në Prishtinë së bashku me djalin e tij, Mirko Gashi.

Mark Gashi me bashkëshorten e tij dhe vajzën Elizabetha Gashi Nuiqi

admin admin