Gjergj Spani, një mjek arbër i shekullit të 15-të, studioi në Paris dhe Padova, ku fitoi titullin Doktor i Mjekësisë!

Jahja Drancolli

Dr. Gjergj Spani, djali i shkodranit bujar Ndre Spani, e kaloi pjesën më të madhe të jetës së tij si internist dhe kirurg (physicus) në Paris, Padova, Kotorr dhe Dubrovnik. Prania e tij në Padova, një qendër e njohur e mjekësisë evropiane, dëshmohet nga dokumentet e noterit të Padovës. Këtu, ai mbajti lidhje me mjekët e njohur të familjes Santasofia, ku, falë pozicionit të tij si profesor i mjekësisë në Universitetin e Padovës, ai ishte i lidhur ngushtë me jetën universitare.

Përveç qyteteve të përmendura, Gjergji u shërbeu edhe Gjergj Kastrioti-Skënderbeut, zotërinjve kryesorë të Bosnjës dhe Zetës; Ai mbërriti në Bosnjë me ftesë të Dukës Stefan dhe gruas së tij Helena Balshaj (1445), dhe veproi gjithashtu në mënyrë të ngjashme me ftesë të fisnikëve dhe princërve të tjerë boshnjakë dhe të Zetës (1446–1450). Të gjitha këto lidhje me anëtarët e familjeve në fjalë i konsiderojmë si vazhdimësi të marrëdhënieve të mira të shteteve në fjalë me anëtarët e familjeve Balshaj dhe Castriota, si dhe me disa drejtues të tjerë shqiptarë. Mund të supozohet se Gjergji e kaloi pjesën tjetër të jetës në Padova dhe Kotorr, ku vdiq (1458).

Për më shumë informacion mbi jetën dhe veprën e doktor Gjergj Spanit, shoqëruar me dokumente përkatëse nga Padova, Parisi, Raguza dhe Kotorri, shihni studimet e botuara nga Alademik Musa A. Haxhiu dhe Prof. dr. Jahja Drançolli, në Praxis Medica, 1997, 1998 dhe 1999. Faksimilet e postuara janë nga fondët e DAD! /Trungu & InforCulture

http://<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fjahja.drancolli%2Fposts%2Fpfbid0J99gGSE4UxNXGQo4ZJwyiE3ksZm97gtQb8L3qyEYRVNxZEAvqrJqmbLKnjH48ZhQl&show_text=true&width=500″ width=”500″ height=”787″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>