<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

Tualeti prej ari shitet për 10 milionë dollarë

Gjendet në shtëpinë e njohur të ankandeve Sotheby’s në Nju Jork

Në Nju Jork, shtëpia e njohur e ankandeve Sotheby’s do të nxjerrë në shitje një nga veprat më të famshme e më provokuese të artit bashkëkohor, tualetin prej ari 18 karatësh të artistit italian Maurizio Cattelan, të titulluar “America”.

E realizuar tërësisht në ar dhe me peshë 101.2 kilogramë, veprës do t’i vendoset një çmim fillestar që do të varet nga kursi i arit në ditën e ankandit, më 18 nëntor. Aktualisht, vlera e saj llogaritet rreth 10 milionë dollarë amerikanë.

“Vepra do të ofrohet me një çmim fillestar të barabartë me peshën e saj në ar. Është një mënyrë e pazakontë, por që lidhet drejtpërdrejt me interesin e artistit për të dalluar vlerën e materialit nga vlera artistike“, u shpreh David Galperin, zëvendëskryetar i Sotheby’s.

“America” u bë e famshme në vitet 2016–2017, kur u ekspozua në Muzeun Guggenheim të Nju Jorkut si një tualet plotësisht funksional, simbolikë ironike mbi pasurinë, luksin dhe realitetin shoqëror.

“Cattelan gjithmonë ka sfiduar kufijtë e artit. Ai ngre pyetje të pakëndshme, provokon debat dhe reflekton mbi realitetin e botës. ‘America’ është një shembull i përkryer i kësaj“, tha Galperin.

Vepra tërhoqi sërish vëmendjen botërore në vitin 2019, pasi një tjetër version i saj u vodh nga Pallati Blenheim në Britaninë e Madhe dhe nuk u gjet kurrë. Këtë herë, në ankand do të dalë i vetmi version i mbetur.

Cattelan rikthehet me një vepër që bashkon konceptin artistik me vlerën reale të arit.

Klan News

/tvklan.al

admin admin