<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: RETROSPEKTIVË

Si u vra hoxhë Selim Brahja nga komunistët në derën e xhamisë

Screenshot

Si u vra hoxhë Selim Brahja nga o në derën e xhamisë
Hapi shkollen shqipe ne Sauk 1916.
I biri i Ramazan Brahjes, anetare i grupit te pavarsise ne Tirane.

Selim Brahja ishte viktima e parë e ekzekutimeve komuniste në vend. Ai u pushkatua nga njësiti i atentatorëve të Çetës së Pezës, më 31 gusht 1943, që ishte dita e parë e Muajit të Ramazanit të atij viti

Në ditën e nxehtë të 31 gushtit 1943, një njësit atentatorësh prej 6-7 personash qëllojnë për vdekje në derën e xhamisë së Saukut, teologun dhe klerikun e njohur hoxhë Selim Brahjën. Nuk ishin nazistët që eliminuan klerikun, por një njësit i përbërë nga atentatorë të Çetës së Pezës. Ngjarja tronditi opinionin publik, pasi plumbat i kishin marrë jetën jo vetëm një kundërshtari komunist, por atdhetarit që kaloi në burgjet e vendit edhe nga fashistët. Ky krim kishte motive të qarta politike dhe ishte sinjal që terrori komunist eliminoi kundërshtarët e tij edhe gjatë kohës së luftës, ende pa marrë pushtetin.

Hoxhë Selim Brahja njihej gjerësisht në radhët e intelektualëve kryeqytetas dhe ishte nismëtar i hapjes së shkollës së parë në Sauk të Tiranës në vitin 1916. Ndërkohë i ati, Ramazan Brahja qe pjesëmarrës në ngritjen e flamurit më 26 nëntor 1912 në Tiranë. Vetë Selim Brahja kishte përfunduar studimet për teologji në Stamboll dhe menjëherë pas kthimit, nisi aktivitetin atdhetar në përhapjen e shkollave dhe shtrirjen e besimit.

Gjatë pushtimit italian, ai u dënua me burg sepse në shtëpinë e tij priste nacionalistë dhe partizanë që luftonin për lirinë, mbante dhe ushqente të plagosur dhe ndihmonte luftën. Për më shumë, djali i tij Isufi, ishte partizan. Duke nuhatur atë çfarë po ngjizej në vend, ardhjen e komunistëve në pushtet menjëherë pas luftës, Brahja ishte ndër delegatët e zgjedhur të Tiranës që morën pjesë në Konferencën e Mukjes në datat 1-2 gusht 1943. Por nuk zgjati shumë dhe në listën e personave që duhet të eliminoheshin edhe edhe hoxhë Selim Brahja.

Atentatorët në mënyrë demonstrative e ekzekutojnë me disa plumba në shkallët e xhamisë dhe arrijnë të largohen me vështirësi, pasi pati të shtëna me armë si nga familjarët ashtu edhe banorët e zonës për të marrë hak ndaj vrasjes së Brahjes. Pak më vonë, mësojnë se urdhri për ekzekutimin e tij ishte dhënë nga drejtuesit e Partisë Komuniste, të cilët kishin përcaktuar edhe atentatorët e Çetës së Pezës për të ekzekutuar Selim Brahjën, klerikun e njohur që vinte nga një familje e shquar patriotike.

admin admin