Categories: KURIOZITETE

Pse në këtë vend njerëzit po i lyejnë shtëpitë me të zezë, do habiteni (FOTO)

 

Të lodhur nga numri në rritje i turistëve dhe influencerëve që çdo ditë vërshojnë në rrugicat e Notting Hill për të fotografuar shtëpitë e famshme me ngjyra të ndezura, disa banorë të zonës ndërmorën një veprim të pazakontë: lyen fasadat e shtëpive të tyre me të zezë. Synimi i tyre ishte që me këtë ngjyrë të errët të zbehej interesi për fotografi dhe të kthehej qetësia në lagje. Por rezultati ishte i kundërt.

Gjithçka nisi në Lancaster Road, një rrugë e njohur e Notting Hill, vetëm pak metra larg portës së famshme blu në Westbourne Park Road, simbol i filmit të njohur me Hugh Grant dhe Julia Roberts.

Është pikërisht këtu ku ka lindur ajo që tashmë njihet si “greva e shtëpive të zeza”, një formë e re proteste kundër turizmit masiv. Shtëpitë që dikur ishin të lyera me ngjyra të shndritshme si e verdha apo rozë, janë transformuar në fasada të zeza të thella, në një përpjekje për të dekurajuar fotografët amatorë dhe profesionistët e rrjeteve sociale.

Banorët e lagjes shprehën shqetësimin për ndikimin që ka sjellë turizmi i tepërt në jetën e tyre të përditshme.

Në një letër publike, ata theksuan se “ngjyrat e forta të shtëpive janë padyshim të bukura, por kjo ka sjellë një valë të pandërprerë turistësh që e kanë kthyer rrugën tonë në një destinacion fotografie. Ne nuk jemi muze”. Ka pasur raste kur njerëzit kanë tentuar të hipin mbi kangjella për të bërë selfie, ndërsa të tjerë kanë kërkuar nga banorët të largohen nga dritaret ose ballkonet për të mos u prishur pamjen në foto.

Ironikisht, ky ndryshim drastik nuk e uli interesin, por përkundrazi e shtoi. Në një lagje të mbushur me fasada shumëngjyrëshe, shtëpitë e zeza sollën një kontrast të veçantë dhe u shndërruan menjëherë në një atraksion të ri për turistët dhe krijuesit e përmbajtjeve në rrjetet sociale.

Tani, përveç shtëpive rozë dhe blu, vizitorët vijnë të fotografojnë edhe shtëpitë e zeza, duke i shtuar një dimension tjetër fenomenit të mbingarkesës turistike. Banorëve të Lancaster Road u mbetet vetëm të shpresojnë se masa e ardhshme që do të ndërmarrin për të rikthyer qetësinë në lagjen e tyre, do të jetë më efektive dhe më pak tërheqëse për kamerat e turistëve.

admin admin

Recent Posts

Nuk keni peshore kuzhine? Këto truke të thjeshta do t’ju ndihmojnë të matni përbërësit me saktësi

Shumë njerëz në kuzhinë hasin problemin e mungesës së peshoreve ose gotave matëse të kuzhinës,…

9 hours ago

Galaxy Watch8 i përshtat shëndetin, fitnesin dhe qëllimet e përditshme me ritmin tuaj

Samsung Galaxy Watch8 është një orë inteligjente dhe një partner që ju ndjek në çdo…

9 hours ago

Britania dhe çështja shqiptare gjatë rënies së Perandorisë Osmane

– Vështrim për librin e Daut Dautit Britain, the Albanian Question and the Fall of the…

9 hours ago

Enver Hoxha, biri i llastuar i një tregtari të mirë

Time, 22 dhjetor 1961 E irrituar që Shqipëria “me paramendim vazhdon të agravojë marrëdhëniet me…

10 hours ago

Takimi me Isa Boletinin

Figurë publike britanike, diplomat dhe shkrimtar, Aubrey Herbert (1880–1923) ishte gjysmë-vëllai i Lord Carnarvonit, i…

10 hours ago