Categories: RETROSPEKTIVË

Rastësi apo e planifikuar: E vërteta e fotografisë mes Adem Jasharit e Ibrahim Rugovës në Rinas

 

Një fotografi e rrallë e vitit 1991, ku shfaqet  ish- presidenti i Kosovës, Ibrahim Rugova, dhe komandanti i UÇK-së, Adem Jashari, në aeroportin e Rinasit, ka qenë një enigmë që për vite me radhë ka nxitur spekulime dhe teori të ndryshme.

Por së fundmi në emisionin “FAKTE  me Adnan MEROVCIN, dëshmitë e dy bashkëpunëtorëve të Rugovës – Ermir Hizmo dhe Flamur Jata – kanë hedhur dritë mbi ngjarjet e asaj dite të pazakontë.

Adnan Merovci, i pranishëm gjatë asaj kohe, thekson rëndësinë e momentit dhe zemërthyen zanafillën e fotografisë.

“Në fillim vitet 1990, legjendari Adem Jashari ndodhej në Tiranë dhe kishte kontakte të vazhdueshme me zyrën e Kosovës në Tiranë. Është folur shumë në lidhje më këtë fotografi, fillimisht është thënë se është fotomontazh, pastaj se Ademi ka qëlluar aty rastësisht, se nuk është takuar fare me Rugovën, etj. por për hirë të së vërtetës, rëndësisë dhe peshës që ka dua qartë ta shpjegoj zanafillën e kësaj fotografie”.

“Dua të sqaroj se jo çdokush në rrethana të tilla në një aktivitet publik mund të ishte afër meje, pra Ademi aty nuk ndodhej rastësisht, por erdhi qëllimisht duke u bazuar në ftesën time dhe gatishmërinë e tij për të ardhë nga zyra e Kosovës në Tiranë deri në aeroportin e Rinasit. Kontakti është realizuar përmes Skënder Zogajt dhe Mehmet Krajës”, u  shpreh Merovci.

Ndërkohë, Ermir Hizmo, përgjegjësi për sigurinë e Rugovës në Shqipëri, tregon se të gjithë ishin në dijeni të pranisë së Jasharit, por jo të detajeve të plota të pozicionit dhe rolit të tij.

“Shkëmbimet tona ishin të shkurtëra, por të ngarkuara me kuptim”.

“Adem Jashari ishte një figurë kyçe, edhe pse të gjithë nuk e dinim plotësisht rolin e tij në atë kohë”, thotë Hizmo.

Flamur Jata, oficeri i Gardës së Shqipërisë, shton më tej dimensione të tjera në këtë ngjarje, duke rikujtuar atmosferën dhe intensitetin e atij momenti.

“Takimi ishte i përkendshëm dhe të gjithë ndjenim rëndësinë e tij. Por shihet qartë se nuk ishte një rastësi, por një takim i planifikuar dhe i rëndësishëm,” pohon Jata.

Kjo konferencë shtypi dhe fotografia që ka mbijetuar nëpër vite, tani mbështetet nga dëshmi të drejtpërdrejta të atyre që ishin prezent, duke hequr dorë nga teoritë konspirative dhe duke konfirmuar një kapitull të rëndësishëm të historisë së Kosovës.

admin admin

Recent Posts

Të mirat dhe të këqijat e fasuleve

  Fasulet konsiderohen si ushqim i shëndetshëm dhe shpesh mund ta gjeni në tryezat e…

3 days ago

Portreti i Gjergj Kastrioitit-Skënderbeut i punuar nga heroi Agim Ramadani

Nga: Ilir Muharremi Portreti i Skënderbeut është realizuar me një trajtim të butë figurativ nga…

1 week ago

Sekreti me ujin që do t’ju bëjë të kuptoni nëse vuani nga diabeti

  Diabeti është një nga sëmundjet në rritje në botë dhe megjithëse ka mënyra për ta mbajtur…

2 weeks ago

Çfarë u morri jetën tre milionë fëmijëve në vitin 2022?

  Më shumë se tre milionë fëmijë në mbarë botën ndërruan jetë nga infeksionet rezistente…

2 weeks ago

Shkenca, drejt një alternative natyrale ndaj Ozempic-ut

  Ozempic është bërë sinonim i humbjes së shpejtë të peshës dhe rregullimit të sheqerit…

2 weeks ago

Media spanjolle “El Periódico”: Shqipëria, “parajsa” që bashkon vendet e trashëgimisë botërore me plazhet mahnitëse

  Kur planifikojmë një udhëtim në Evropë, shpesh priremi të zgjedhim vende si, Parisi, Londra,…

2 weeks ago