<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KËSHILLAShëndetSOCIALE

Pesë mënyra për ta mbështetur dikë që përjeton mendime vetëvrasëse

10 shtatori njihet si Dita Botërore e Parandalimit të Vetëvrasjes. Dita synon të hedhë dritë mbi çështjen e vetëvrasjes, të ofrojë informacion rreth shkaqeve të saj dhe të promovojë mënyra për t’i ndihmuar ata që po luftojnë me këto mendime. Në nivel global, më shumë se 720 mijë njerëz vdesin vetëvriten çdo vit dhe është shkaku i tretë i vdekjes në mesin e 15-29-vjeçarëve. Nëse dikush që e njihni është duke luftuar me mendime të tilla, kjo mund të jetë dërrmuese dhe e frikshme, por mbështetja juaj mund të luajë rol të madh.

Dëgjoni pa gjykuar

Një nga gjërat më të rëndësishme që mund të bëni për dikë në këto raste është ta dëgjoni me dhembshuri dhe pa gjykuar. Njerëzit që përjetojnë mendime të tilla shpesh ndihen të vetmuar, të padëgjuar ose të keqkuptuar. Duke u ofruar hapësirë të sigurt ku ata mund të flasin hapur për ndjenjat e tyre, mund t’ua shfaqni se ju intereson dhe se ndjenjat e tyre janë të vlefshme.

Inkurajoni ndihmën profesionale

Ndërsa mbështetja juaj është e rëndësishme, udhëzimi profesional është gjithashtu i rëndësishëm. Nxitini ata të kërkojnë ndihmë nga një ekspert, këshilltar ose mjek. Ekzistojnë gjithashtu linja telefonike dhe shërbime mbështetëse në internet të disponueshme 24/7, të tilla si Linja Kombëtare e Parandalimit të Vetëvrasjeve.

Qëndroni në kontakt dhe ndiqni hapat e tyre

Izolimi mund t’i përkeqësojë mendimet për vetëvrasje. Kontakti me dikë që është në vështirësi i bën të kuptojë se nuk janë vetëm dhe se dikush kujdeset për ta. Kontrollojini rregullisht përmes mesazheve, telefonatave ose vizitave, për t’u ofruar mbështetje emocionale dhe për t’ua përforcuar idenë se ata janë të rëndësishëm.

Largoni qasjen nga mjetet e dëmshme

Nëse dikush po e mendon në mënyrë aktive vetëvrasjen, është thelbësore ta zvogëloni qasjen e tij në mjete ose metoda të rrezikshme. Heqja e mjeteve të mundshme për dëmtim të vetvetes si armët, ilaçet ose objektet e mprehta, mund ta zvogëlojë rrezikun e menjëhershëm.

Jini të vetëdijshëm për shenjat paralajmëruese

Njohja e shenjave paralajmëruese është thelbësore për t’i ofruar personit ndihmë në kohë. Disa shenja përfshijnë të folurit për vdekjen ose vetëvrasjen, largimin nga aktivitetet shoqërore, ndryshimet e humorit ose pëlqimin e qëndrimit i vetëm. Nëse vëreni këto ndryshime të sjelljes, merrini ato seriozisht dhe përgjigjuni me kujdes dhe shqetësim.

admin admin