<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

Kjo është njëra prej tri xhamive të para në Kosovë, sipas gojëdhënave

Xhamia është vendi ku ‘takohen’ Zoti dhe besimtari. Prandaj, xhamia daton që nga ekzistenca e njeriut.

Islam Osmani, publicist nga Gjilani, ka botuar një libër për xhamitë e Gjilanit, me titull “Historiku dhe peizazhi magjepsës i xhamive të Gjilanit”, ku ka prezantuar xhamitë dhe imamët, që nga gjeneza e tyre e këndej.

“Për të gjitha objektet fetare në Gjilan, të dhëna e dokumente të shumta historike për shqiptarët dhe trojet tona ekzistojnë në arkivat e Turqisë, të cilat janë ende të pashfrytëzuara e të pastudiuara deri më sot”, thotë Osmani.

Ndërtimi i xhamive në trojet shqiptare, në Kosovë e posaçërisht në territorin e Anamoravës, fillon nga fundi i shekullit XIV, sidomos në fillim të shekullit XV, me ardhjen e turqve në Kosovë, menjëherë pas Betejës së Kosovës, në vitin 1389.

Në bazë të gojëdhënave, ndër xhamitë e para në këtë trevë (Gjilan) është ajo e fshatit Dobërçan, që daton nga viti 1422 (1526) e të cilën e dogjën dhe e shkatërruan deri në themel pushtuesit serbo-sllav.

Përpos saj, xhami të vjetra qindravjeçare janë edhe xhamia Atik në Gjilan (1606), xhamia e Pogragjës (1620), ajo e Pidiqit (1645), e Malishevës (1730), e Bresalcit (1735), e Përlepnicës (1750), e Stançiqit (1750), e Sllakovcit (1770), e Verbicës së Zhegovcit (1782), e Muçibabës (1783) etj.

Numri më i madh i xhamive të ndërtuara në territorin e komunës së Gjilanit, 21 sosh, janë të kohës së Perandorisë Osmane.

Xhamia e Sllakocit njihet si ndër xhamitë më të vjetra në komunën e Gjilanit. Sipas gojëdhënave, që xhemati i kësaj ane i ruan brez pas brezi, xhamia e Sllakocit, është ndër tri të parat në Kosovë.

Sipas tyre, xhamia e Sllakocit është ndërtuar në të njëjtën kohë me xhamitë në Gërmovë të Vitisë xhaminë e Llapit në Prishtinë.

Në bazë të shënimeve, këto tri xhami i bie të jenë ndërtuar disa dhjetëra vite pas Betejës së Kosovës (1389).

Sipas gojëdhënave, ndër banorët e hershëm të Sllakocit kanë qenë çerkezët e ardhur dikur para katër shekujve në këtë vend, të cilët e ndërtuan dhe xhaminë.

admin admin