<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Një histori e pasur e diplomacisë sonë ndërkombëtare (1448)

Nga Jahja Drançolli

575 vjet më parë (1448), një histori e pasur e diplomacisë sonë ndërkombëtare: Gjergj Pelini, diplomati kosovar për qëllime strategjike, për të mos luftuar në dy fronte, pajton Skënderbeun me Republikën e Venedikut. Kjo ngjarje pati një jehonë në historinë botërore, veçanërisht Napoleoni, i cili kishte vuajtur shumë pas luftimeve në dy fronte në të njëjtën kohë!

Dihet se që nga viti 1445, krahas luftës me osmanët, Skenderbeu kishte hyrë në konflikt me Republikën e Venedikut për çështjen se kujt duhej ta zotëronte qyteti Dagno (sot Vau i Dejës). Krahas qytetit në fjalë, Skenderbeu bëri përpjekje për të rikthyer Durrësin dhe Drishtin, qytete të pushtuara shumë kohë më parë nga Venediku. Skenderbeu, së bashku me aleatët e tij nga Kuvendi i Lezhës (1444), në vjeshtën e vitit 1447, luftoi kundër Venedikut në rrethet e Durrësit, Shkodrës, Ulqinit dhe Tivarit. Në këtë luftë, duket se e ka ndihmuar Alfonsi V, mbreti i Argonës dhe i Napolit, armik i Republikës së Venedikut. Nga ana tjetër, venedikasit po punonin aktivisht për të ndarë disa princa arbërorë nga Skënderbeu dhe për t’i kthyer osmanët kundër tij. Senati venedikas ishte aq i zemëruar me Skënderbeun, saqë më 4 maj 1448 punësuan një njeri përgjegjës për vrasjen e Skënderbeut.

Më në fund, më 4 tetor 1448, me ndihmën e Gjergj Pelinit, diplomatit të madh të Kosovës, u arrit marrëveshja ndërmjet Republikës së Venedikut dhe shtetit të Skënderbeut (kopja e dokumentit të marrëveshjës gjendet në Arkivin Shtetëror të Venedikut, e ruajtur gjithashtu edhe në arkivin tim). Pas kësaj marrëveshjeje, Skënderbeu mundi të përgatitej seriozisht për një aksion kundër osmanëve në bashkëpunim me ushtrinë hungareze të drejtuar nga Janosh Huniadi, aksion i cili do të zhvillohet në Betejën e Kosovës më 17-20 tetor 1448. Për këtë qëllim Heroi ynë kishte kërkuar hua edhe nga Republika e Raguzës.

Burimi: Një nga simbolet heraldike të Kastriotëve që është parë me rastin e marrëveshjeve të rëndësishme ndërkombëtare!

admin admin