A e dini se iPhone ka një “buton sekret”

Ka një sërë veçorish inteligjente të integruara në softuerin iOS të Apple, por shumë njerëz nuk e dinë se ka një tjetër “buton sekret” në iPhone.

Siç shkruan thesun, mund të aktivizoni opsionin “Back Tap” në iPhone, i cili e kthen pjesën e pasme të iPhone në një buton sekret.

“Back Tap” nuk aktivizohet automatikisht, por është mjaft e lehtë për t’u konfiguruar. Nëse e aktivizoni, mund të zgjidhni disa opsione që do të aktivizohen kur trokitni dy ose tre herë në pjesën e pasme të këtij smartphone.

Këto janë hapat: Settings > Accessibility > Touch > Back Tap. Pastaj thjesht zgjidhni nga lista e gjatë e funksioneve “Double Tap” apo “Triple Tap”.

Zgjidhni shkurtesën që dëshironi të aktivizoni kur shtypni dyfish/trefish logon e Apple

Shkurtoret ju lejojnë të krijoni funksione me prekje të shpejtë që bëjnë pothuajse gjithçka që dëshironi.

Kështu që ju mund ta bëni atë të krijojë një GIF nga një video, të lundrojë direkt në një faqe interneti ose të luajë një listë muzikore.

Mbani në mend se mund të keni vështirësi për të aktivizuar “Back Tap” nëse keni një kasë telefoni shumë të trashë.

Sigurohuni që të prekni dy ose tre herë shumë qartë, ose nuk do të funksionojë.

E keqja tjetër është se ndonjëherë mund ta gjeni veten duke e aktivizuar atë rastësisht. /Telegrafi/