Njerëzit e suksesshëm nuk janë aty aksidentalisht. Secili nga ta ka shprehi të ndryshme, të cilat e bëjnë personin që është
Zgjimi herët në mëngjesit, ushtrimet fizike para punës, përqendrimi në përmirësimin e vetvetes, shkrimi i një libri, ndalja e konsumimit të duhanit, reduktimi i konsumimit të alkoolit konsumimi më i madh i ujit, vrapimi, meditimi, zemërgjerësia etj. – të gjitha këto marrin kohë dhe dedikim, dhe janë gjëra të cilat ia ndryshojnë jetën çdo personi.
Por, sa gjatë mendoni se merr për ta ndryshuar tërë jetën tuaj – ose të paktën të krijoni një shprehi të re?
Ekziston një mit, i cili ka qarkulluar qysh nga vitet e 1960’ta, i cili thotë se duhen 21 ditë për ta ndryshuar një shprehi ose për ta formuar një të re, transmeton Telegrafi.
Ky mit ishte krijuar nga kirurgu Maxwell Maltz, i cili kishte shkruar se merr kohë minimumi 21 ditë, që një pacient të adoptohet me fytyrën e re në pasqyre, ose për një të amputuar të mësohet se nuk e ka më një gjymtyrë.
Kësisoj, teoria e tij ishte keqinterpretuar nga psikologët e shumtë, të cilët vazhdimisht e përdornin sfidën 21-ditëshe për t’i motivuar njerëzit dhe për t’i shtyrë drejt ndryshimit, transmeton Telegrafi.
Por, sfida 21-ditëshe mbetet vetëm MIT!
Realiteti merr shumë më gjatë. Një studim nga Phillippa Lally, thotë se merr mesatarisht 66 ditë të krijohet një shprehi e re ose të ndryshohet një e keqe. Aq më e vështirë të jetë një shprehi, aq më gjatë merr kohë – disa shprehi mund të marrin më shumë se 245 ditë për tu ndryshuar.
Pra, sipas saj, mesatarisht merr kohë 66 ditë të krijohet një shprehi. Koha më e shkurtër për të adoptuar një shprehi mund të jetë 18 ditë, ndërsa më e gjata 254 ditë.
Çelësi për të formuar shprehi të reja mbetet këmbëngulësia!
Peshkopi Fan S. Noli njihet edhe për një ese me titull “Muhamedi”. Kjo vepër e…
Në Kopshtin Zoologjik të Shkupit tërheq vëmendjen e vizitorëve prania e shimpanzesë më të moshuar…
Evolucioni shpesh konsiderohet një proces i ngadaltë, duke kërkuar breza të tërë për të formuar speciet përmes ndryshimeve graduale.…
Thellë nën koren e Tokës, shkëmbi i shkrirë ngrihet dhe nxit lëvizjen e pllakave tektonike…
Delfinët qeshin vërtet. Deri më sot nga shprehitë e tyre, mjaftonte t’i shihje për të…
Një anije kozmike është nisur drejt hapësirës për të studiuar një asteroid që NASA e…