Mali Kailash ndodhet në Tibetin perëndimor dhe, sipas besimit vendas, konsiderohet i shenjtë, duke qenë njëherësh ndër më të paarritshmit në botë.
Sipas të dhënave zyrtare, askush nuk e ka pushtuar majën e tij (6,714 m), megjithëse është në një pikë më të ulët se mali Everest (8,849 m).
Nga ana tjetër, historia tibetiane tregon për një prift të quajtur Milarepa, i cili dyshohet se u ngjit në mal në shekullin e 11-të dhe më vonë i paralajmëroi njerëzit ta shmangnin atë “sepse ata do të mundohen nga Zoti…”, një besim tipik me bestytnira budallaqe atyre anëve.
Besohet se ka dy arsye pse Kailash është një mal i padepërtueshëm:
Së pari, ndodhet në një mjedis të paarritshëm dhe sfida fizike për të arritur dhe ngjitur në mal konsiderohet pothuajse e pamundur.
Të mos harrojmë shpatet e pjerrëta, sipërfaqet thuajse vertikale (duket si piramidë) dhe mbulesën e përhershme të borës.
Pavarësisht rreziqeve, në të kaluarën ka pasur përpjekje për të pushtuar malin, të cilat përfunduan pa sukses, ku moti i rrezikshëm dhe terreni i paarritshëm ishin arsyet kryesore.
Së dyti, Kailash është një vend pelegrinazhi për katër besime, kështu që ngjitja është e ndaluar. Përveç hinduve, mali është një vend i shenjtë për budistët, xhainët dhe anëtarët e fesë tibetiane Bön.
Pjesëtarët e atyre feve shkojnë në një pelegrinazh rreth malit në një rreze prej 52 kilometrash, i cili, sipas besimit, duhet të kalohet brenda një dite për fat të mirë.
Prandaj, pushtimi i këtij mali mistik do të ishte një arritje mbresëlënëse, por mbetet një ëndërr e pakapshme për aventurierët në mbarë botën
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…