Kur flasim për piramidat, shumica prej nesh mendojnë menjëherë për strukturat monumentale prej guri të Gizës, Mbretit Tut dhe ndoshta edhe Sfinksin e famshëm.
Dhe pse jo? Egjipti është shtëpia e 138 piramidave, por nuk është i vetmi vend në botë që mban këto struktura magjepsëse – ka afërsisht njëqind apo më shumë piramida në jug të Sudanit, për shembull.
Le të shohim disa nga gjërat më të çuditshme që gjenden brenda një piramide, kudo që të jenë në botë.
Gjetja e mbetjeve njerëzore brenda një piramide është e zakonshme. Por jo kur disa janë dëshmi e një vakti të mbetur, e sidomos kur pjesë të këtij vakti të mbetur vareshin dhe ekspozoheshin në publik jashtë mureve të tempullit. E vendosur rreth 670 km në veriperëndim të qytetit të Meksikos, ngjarjet e tmerrshme besohet se kanë ndodhur rreth 1500 vjet më parë nga indigjenët mezoamerikanë. Disa studiues e kanë identifikuar La Quemadan si Chicomostocun legjendar, shtëpia e përkohshme e Aztecs gjatë rrugës për në Anáhuac.
Piramida në Chichen Itza, Meksikë, mund të jetë më famëkeqja me gjithë ato flijime njerëzore për Tlālocun, perëndinë e shiut. Por që nga viti 2016, falë një procesi të quajtur tomografi me rezistencë elektrike u zbulua se nuk ka vetëm një piramidë të brendshme nën të, por dy. Piramida e mesme, e ndërtuar diku midis viteve 800 dhe 1000 pas Krishtit, është e njohur që nga vitet 1930, por kjo piramidë e re 10 metra e lartë, e ndërtuar ndoshta midis viteve 500 dhe 800 pas Krishtit, i jep një kthesë të re historisë së Kukulkanit.
I njohur edhe si Tempulli i Quetzalcoatl, kjo piramidë është rreth 1800 vjet e vjetër. Në vitin 1980, u zbuluan mbetje njerëzore të flijuara që duken të jenë po aq të vjetra sa vetë piramida. Zbulimi i vitit 2003 i një tuneli të brendshëm sekret që përmban një peizazh malor në miniaturë me pellgje të vogla merkuri të lëngshëm, të gjitha të ndriçuara nga një galaktikë yjesh prej ari në muret përreth, ishte mahnitës. Gjithashtu u gjetën kristale në formë sysh, dhëmbë krokodili të bëra nga gur i gjelbër dhe skulptura që përshkruanin jaguarët, që besohet se u ishin lënë si flijime perëndive.
Një arkivol miniaturë prej druri kedri i realizuar në mënyrë perfekte vetëm 44 cm i gjatë, që u zbulua në vitin 1907 dhe daton midis 664-525 pes. Brenda ndodhej një fetus i vogël njerëzor i balsamosur vetëm në javën e gjashtëmbëdhjetë deri në tetëmbëdhjetë të shtatzënisë. Krahët ishin të kryqëzuar dhe ishte lidhur me një kujdes të tillë, saqë mund të supozohet se mbetjet e vogla, ndoshta të abortuara, ishin të një rëndësie të madhe për dikë të rëndësishëm.
5.Mumja Moche
Zonja e Cao është rreth 1750 vjeç dhe u zbulua në një piramidë Moche në El Brujo, Peru në vitin 2006. Ajo ishte mumifikuar nëpërmjet tharjes dhe jo ritualit, dhe trupi i saj ishte shumë i tatuazhuar me gjarpërinj dhe gaforre, merimanga dhe krijesa imagjinare. Ajo u varros me armë dhe bizhuteri, të cilat rezervoheshin vetëm për burra të pushtetshëm, duke bërë që disa të supozojnë se ajo mund të ketë qenë një priftëreshë e lartë. Eshtrat e saj u gjetën së bashku me një trup tjetër femre, që mund të jetë vrarë në ritual, me sa duket për të shoqëruar Zonjën e Caos në udhëtimin e saj në jetën e përtejme.
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…