Arsyet e çuditshme pse pasagjerët që udhëtojnë me avion zgjedhin sediljen e mesit

 

Në pjesën dërrmuese të fluturimeve, njerëzit preferojnë ose vendin pranë dritares ose atë anash dhe shumë rrallë atë të mesit. Arsyet janë të kuptueshme!

Sedilja e dritares ofron një pamje të botës nga lart dhe një sipërfaqe ku ju mund të mbështesni kokën për të bërë një sy gjumë, gjithnjë nëse jeni nga ata pasagjerë që mund të flini gjatë fluturimeve.

Ka një pengesë për pasagjerët që zënë sediljen e dritares: ata e kanë shumë të vështirë të përdorin tualetin në avion, pasi më parë duhet të kalojnë te këmbët e dy pasagjerëve të tjerë. Ndërsa, ata që janë sediljen e korridorit, pra anash aty ku kalojnë stjuardesat, e kanë më lehtë nga të gjithë përdorimin e tualetit.

Por, njerëzit që fluturojnë me avion pyesin veten pse një pasagjer do të zgjidhte një vend në mes mbi opsionet e tjera?

Një ekspert udhëtimesh ka disa ide:

1- Duan të maksimizojnë shanset për të pasur një vend bosh pranë tyre. Mund të duket një strategji e dyshimtë, por shpesh është efektive

2- Një motiv tjetër mund të jetë fakti i përfitimit nga sedilja e mesit, pasi si pasagjer i pozicionuar në mes të dy personave të tjerë, ka mundësinë për t’u mbështetur

3- Dëshira për ta kaluar udhëtimin duke bërë biseda të gjata është një tjetër arsye. Sedilja mesit është një mundësi e mirë për të bërë miq të rinj, nëse zgjidhni të bisedoni me ta gjatë udhëtimit

4- E fundit, të qenit pasagjer në sediljen e mesme është një pozicion më i favorshëm në rastet kur duhet të përdorni tualetin, kur ju nevojitet që të kaloni para një personi dhe jo dy si në rastin kur uleni te dritarja./E.Ç