I ngatërrojmë shpesh, por gështenjat e kalit çojnë në helmim deri në vdekje!

Thuhet se gështenjat e kalit, të cilat janë të bollshme në shumë parqe dhe bien nga pemët në vjeshtë, përdoren në mjekësinë tradicionale për të bërë kremra dhe ilaçe. Por konsumimi i tyre i papërpunuar do të mund të shkaktojë helmime ndaj dhe fëmijët duhet të qëndrojnë larg tyre.

Ndonjëherë qytetarët ngatërrohen dhe fillojnë të grumbullojnë gështenjat normale me ato të kalit, të cilat janë helmuese. Sipas CNN turk, këto gështenja të mbledhura në pemë mund të shkaktojnë probleme serioze shëndetësore kur përzihen me gështenja të ëmbla. Gështenjat e kalit njihet edhe si gështenja e egër dhe konsumimi i saj mund të shkaktojë helmim te njerëzit, edhe pse përdoren në mjekësinë popullore për të ulur temperaturën e lartë, për të luftuar problemet e zorrëve dhe fshikëzës dhe për të lehtësuar dhimbjet e kyçeve dhe ënjtjen e indeve të buta.

Edhe pse gështenja e kalit ka shumë përfitime shëndetësore, ajo nuk duhet të konsumohet e papërpunuar. Fruti, lulja, lëvorja dhe fara e pemës përdoren për të bërë kremra dhe ilaçe. Megjithatë, duke qenë se gështenja e kalit përmban një helm të njohur si eskulinë, konsumimi i saj mund të çojë në pasoja fatale. Eskulina është e rrezikshme sepse shkakton dëmtim të ADN-së.

Mund të shkaktojë dhimbje koke, vjellje, paralizë, koma dhe vdekje. Për këtë arsye, gështenja e kalit nuk është një bimë e përdorur dhe e preferuar nga publiku.