<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: SOCIALE

Studimi thotë që autizmi fillon gjatë shtatzënisë

Studimi zbuloi se në trurin e fëmijëve me autizëm, markerët gjenetikë kyçë mungonin në qelizat e trurit.

Hulumtuesit amerikanë thonë se kanë gjetur prova të reja se autizmi fillon gjatë shtatzënisë dhe ndikon në zhvillimin e trurit.

Autori i parë Rich Stoner dhe Eric Courchesne nga Autism Center of Excellence në Universitetin e Kalifornisë San Diego dhe Ed S. Lein nga Allen Institute for Brain Science në Seattle, analizuan 25 gjene në indet e vdekura të trurit të fëmijëve me dhe pa autizëm.

Këto analiza përfshinin gjene që shërbenin si biomarkerë për lloje të qelizave të trurit në shtresa të ndryshme të korteksit, gjenet e implikuara në autizëm dhe disa gjene të kontrollit.

“Ndërtimi i trurit të foshnjës gjatë shtatzënisë përfshin krijimin e një korteksi i cili përmban gjashtë shtresa”, ka thënë Courchesne në një deklaratë.

“Ne kemi zbuluar pjesë fokale të zhvillimit të ndërprerë të këtyre shtresave kortikale në shumicën e fëmijëve me autizëm”.

Shkencëtarët thanë se defektet në pjesë të tilla mund të ndihmojnë për të shpjeguar se pse çrregullimi i spektrit të autizmit është aq i larmishëm dhe pse shumë të vegjël me autizëm tregojnë përmirësim klinik me trajtimin e hershëm dhe gjatë një periudhe kohore.

“Gjetja më e habitshme ishte patologjia e ngjashme e zhvillimit të hershëm në pothuajse të gjithën trurin autik, sidomos duke pasur parasysh shumëllojshmërinë e simptomave në pacientët me autizëm, si dhe gjenetika jashtëzakonisht komplekse e cila qëndron prapa sëmundjes”, shpjegoi Lein.

Studimi zbuloi se në trurin e fëmijëve me autizëm, markerët gjenetikë kyçë mungonin në qelizat e trurit në shtresa të shumëfishta.

“Ky defekt, tregon se hapi vendimtar i zhvillimit të hershëm të krijimit të gjashtë shtresave të dallueshme me lloje të veçanta të qelizave të trurit – diçka që fillon në jetën para lindjes – ishte ndërprerë”, ka thënë Courchesne.

InForCulture