Nga viti 2025, Gjermania do të prezantojë një standard të vetëm për karikimin e pajisjeve mobile dhe vetëm kabllot me prizë USB-C do të mbeten në treg.
Vendimi është në përputhje me direktivën e Bashkimit Evropian. Të mërkurën, qeveria e kancelarit Olaf Scholz miratoi një projekt-amendament të ligjit për standardizimin, njoftoi Ministria gjermane e Ekonomisë.
“Me ndryshimin e ligjit numërohen ditët e kaosit me porte të ndryshme për karikimin e telefonave, tabletëve dhe laptopëve”, tha ministri i Ekonomisë, Robert Habeck.
“Karikuesi universal i BE-së do ta bëjë jetën më të lehtë për konsumatorët dhe do të reduktojë sasinë e mbetjeve elektrike”, shtoi ministri.
Standardi USB-C do të jetë i detyrueshëm për telefonat inteligjentë, kamerat digjitale, kufjet, tabletët, konzolat portative të videolojërave, tastierat, e-librat, pajisjet GPS dhe altoparlantët që ngarkohen me kabllo.
Për laptopët, standardi do të jetë i vlefshëm nga viti 2026. Sipas ministrisë, në vitin 2020, banorët e BE-së blenë rreth 420 milionë pajisje elektronike. Çdo përdorues ka mesatarisht tre lloje karikuesish, dy prej të cilëve të përdorur rregullisht.
Peshkopi Fan S. Noli njihet edhe për një ese me titull “Muhamedi”. Kjo vepër e…
Në Kopshtin Zoologjik të Shkupit tërheq vëmendjen e vizitorëve prania e shimpanzesë më të moshuar…
Evolucioni shpesh konsiderohet një proces i ngadaltë, duke kërkuar breza të tërë për të formuar speciet përmes ndryshimeve graduale.…
Thellë nën koren e Tokës, shkëmbi i shkrirë ngrihet dhe nxit lëvizjen e pllakave tektonike…
Delfinët qeshin vërtet. Deri më sot nga shprehitë e tyre, mjaftonte t’i shihje për të…
Një anije kozmike është nisur drejt hapësirës për të studiuar një asteroid që NASA e…