Pomfret, Vermont: Qyteza e gjetheve të vjeshtës që ndaloi influencer-at

Teksa një mori fotografësh filluan të zbresin në një komunitet të vogël rural për të kapur ngjyrat e tij të gjalla të vjeshtës, banorët vendas u kundërpërgjigjën dhe fituan.

Të hysh në qytezën e Pomfretit, që ndodhet në shtetin amerikan të Vermontit, do të thotë se mahnitesh menjëherë nga bukuria e tij bukolike. Nga veriu, Howe Hill Road gjarpëron tatëpjetë në një seri kthesash të lehta, ku pas tyre sheh fusha të gjelbëruara ferme plot me dele, ose pjesë pylli ku gjethet e kuqe dhe portokalli të vjeshtës ngjiten pas degëve. Në një shtëpi, një pemë e mbushur me mollë përkulet mbi një mur guri të mirëmbajtur me pedantizëm, me rrasa të mbushura nga frutat e kalbura.

Në fillim të tetorit, më shumë se gjysma e makinave që kalonin nëpër këtë qytezë me 900 persona kishin targa jo vendase. Njëri, nga Florida, ndaloi papritur në një rrugë me një kufi shpejtësie 72 km/h, duke bllokuar njërën nga dy korsitë. Arsyeja? Për të bërë një foto të kullës së silosit të një ferme në sfondin e gjetheve të vjeshtës.

Me një pjesë të vogël të bizneseve, një ushqimore, një qendër arti me një galeri dhe një teatër dhe disa ferma mollësh ose kungujsh, Pomfreti është përgjithësisht një vend i qetë dhe i thjeshtë. Por në vjeshtë, teksa “kërkuesit e gjetheve” nga e gjithë bota zbresin në kodrat rrumbullake të zonës për të dëshmuar gjethet kaleidoskopike, gjithçka ndryshon.

Deri kohët e fundit, numri i shikuesve të gjetheve që vizitonin Pomfretin ishte i vogël. Por që kur imazhet e Sleepy Hollow Farm, një pronë private prej 115 akrash që ndodhet në një rrugë rurale, filluan të bëhen virale në rrjetet sociale disa vite më parë, vendasit thonë se gjërat kanë dalë jashtë kontrollit.

Një vështrim i shpejtë në Instagram zbulon mijëra imazhe të rrugës gjarpëruese të paasfaltuar të fermës, të rrethuar nga pemët madhështore të panjës. Nuk është çudi që kjo fermë e jashtëzakonshme të jetë bërë e njohur si një nga “vendet më të fotografuara në shtet”.

“Është një vend i bukur. Është shumë keq që është shkatërruar për të gjithë,” tha Deborah Goodwin, koordinatorja e ekspozitave në Pomfret’s Artistree Community Arts Center. “[Në] dy vitet e fundit ka qenë jashtë kontrollit. Autobusët turistikë thjesht hidhnin… njerëz atje.”

Goodwin thotë se influencer-ët e rrjeteve sociale ngjiteshin rregullisht mbi një portë me tabela “Ndalohet hyrja”, ngrinin kabina ndërrimi për të ndërruar veshjet e tyr etë shumta, ngulnin “makinat e qytetit” në rrugën e ngushtë të dheut dhe linin mbetjet trupore buzë rrugës. “Ishte keq,” kujton ajo. “Banorët shkuan në [qeverisjen vendore] dhe thanë, ‘Kjo nuk mund të vazhdojë më’.”

Gjatë sezonit të vëzhgimit të gjetheve në vitin 2022, forcat e rendit e kthyen përkohësisht rrugën që kalonte Sleepy Hollow në një rrugë me një drejtim. Nuk ishte e mjaftueshme për të penguar turistët që të mos silleshin keq. Këtë vit, banorët vendas provuan një qasje të ndryshme: financim kolektiv. 

Në një lutje në GoFundMe, një ekip organizatorësh shkroi: “[Kemi] pasur një rritje të paprecedentë të ‘influencer-ëve turistikë në Instagram dhe TikTok… [të cilët] kanë dëmtuar rrugët, kanë kryer aksidente, kanë kërkuar rimorkim nga kanalet, kanë shkelur kopshtet, kanë defekuar në pronë private… dhe kanë sulmuar verbalisht banorët.” Deri më sot, janë mbledhur 103 donacione me në total 16,068 dollarë.

Si rezultat, zyrtarët e qytetit votuan për mbylljen e rrugëve që të çojnë në fermë gjatë sezonit të pikut të gjetheve të vjeshtës (23 shtator deri më 15 tetor) për jorezidentët, duke nxitur zemërimin e udhëtarëve që kishin shkuar me makinë në zonë me shpresën për të kapur një foto të kuruar të vjeshtës.

“Është një hotel dhe park zbavitës,” tallet një Instagrammer me 20,000 ndjekës. “Sillni të gjithë miqtë tuaj dhe rulotat.”

Shumica e banorëve të Pomfretit theksuan se nuk janë antituristë; ata thjesht duan që njerëzit ta trajtojnë qytezën e tyre me respekt. Edhe më shqetësuese sesa çështjet e pronës private, janë shqetësimet e sigurisë për banorët e Cloudland Road, si dhe për vetë turistët.

Sipas sherifit të kontesë Windsor, Ryan Palmer, “Kjo nuk është një rrugë që është projektuar për të pasur shumë automjete në të. [Në vitin 2021 dhe 2022] kishte makina të parkuara lart e poshtë rrugës dhe nuk mund të kalonin zjarrfikësit apo ambulancat. Thjesht e dërrmoi infrastrukturën e zonës.”

Gjërat ishin ndryshe në qytezën e zhurmshme fqinje të Woodstock-ut, ku përfundon Cloudland Road. Atje, turma vizitorësh hynin dhe dilnin në butikët e lezetshëm, vitrinat e tyre të zbukuruara me tenxhere me nëna dhe kunguj dimërorë. Në trotuaret e qytetit, njerëzit ndalonin për të kapur fotografi piktoreske të ndërtesave madhështore të ngritura nga Rockefellers. Edhe restorantet e qytetit ishin plot. Në Woodstock Inn & Resort, shefi ekzekutiv i të cilit, Matthew McClure, është shtatë herë gjysmëfinalist i çmimit James Beard, kishte vend të mjaftueshëm në restorantet e pronës për ata që qëndronin në bujtinë.

Ndryshe nga Pomfreti, Woodstock-u është një qytezë që lulëzon në turizëm dhe i ka kapacitetet për ta përballuar. Lori Crowningshield, menaxhere e shitjeve me pakicë në dyqanin kryesor të The Vermont Flannel Co në Elm Street, raportoi se biznesi po kalonte fundjavën më të ngarkuar të vitit. Pas një vere me shi që ishte “e vështirë për të gjithë”, ajo shpjegoi: “Ne kemi vërtet nevojë për turistët këtu”.

Por ajo që është e mirë për Woodstock-un nuk është domosdoshmërisht e mirë për Pomfretin. Në një kohë kur qytete si Venecia janë aq të mbushura me udhëtarë saqë zyrtarët janë gati të vendosin një taksë turistike për vizitorët, dhe kur restorantet në modë po ndalojnë influencer-ët dhe telefonat e tyre të hanë, Pomfreti është vetëm një nga shumë vendet në mbarë botën që përpiqen të frenojnë turizmin e tepruar dhe luftën kundër hashtagerëve, por kjo ka një kosto.

Sipas Palmerit, mbylljet e rrugëve të Pomfretit nuk kërkojnë vetëm kohë për zbatimin e ligjit; janë gjithashtu të shtrenjta. Palmeri mendon se banorët e Cloudland Road paguan një faturë mbi 10,000 dollarë që zyrtarët të mund të vendosnin tabela për mbylljen e rrugëve dhe të zbatonin patrullimet, të gjitha këto i dhanë një reputacion qytezës kur u përhap lajmi.

Palmer shpreson se drama e Pomfret të ketë marrë fund. Banorët kanë hedhur idenë e krijimit të një sistemi rezervimi ose biletash për vizitat në Sleepy Hollow për të ndihmuar në menaxhimin e fluksit të turistëve në një mënyrë më të përgjegjshme, por me sa di ai, ky opsion nuk është duke u konsideruar seriozisht.

“Ne gëzohemi që kemi turistë këtu, është një pjesë e rëndësishme e ekonomisë së Vermontit dhe ne duam që njerëzit të shijojnë bukurinë natyrore, të vizitojnë shitësit dhe dyqanet dhe të qarkullojnë me makina,” tha ai. “E rëndësishme është të kesh respekt për shtëpitë e njerëzve dhe pronën e tyre… Ju lutemi, ejani na vizitoni, por jini të respektueshëm.”

Pomfret, Vermont: Qyteza e gjetheve të vjeshtës që ndaloi influencer-at

Teksa një mori fotografësh filluan të zbresin në një komunitet të vogël rural për të kapur ngjyrat e tij të gjalla të vjeshtës, banorët vendas u kundërpërgjigjën dhe fituan.

Të hysh në qytezën e Pomfretit, që ndodhet në shtetin amerikan të Vermontit, do të thotë se mahnitesh menjëherë nga bukuria e tij bukolike. Nga veriu, Howe Hill Road gjarpëron tatëpjetë në një seri kthesash të lehta, ku pas tyre sheh fusha të gjelbëruara ferme plot me dele, ose pjesë pylli ku gjethet e kuqe dhe portokalli të vjeshtës ngjiten pas degëve. Në një shtëpi, një pemë e mbushur me mollë përkulet mbi një mur guri të mirëmbajtur me pedantizëm, me rrasa të mbushura nga frutat e kalbura.

Në fillim të tetorit, më shumë se gjysma e makinave që kalonin nëpër këtë qytezë me 900 persona kishin targa jo vendase. Njëri, nga Florida, ndaloi papritur në një rrugë me një kufi shpejtësie 72 km/h, duke bllokuar njërën nga dy korsitë. Arsyeja? Për të bërë një foto të kullës së silosit të një ferme në sfondin e gjetheve të vjeshtës.

Me një pjesë të vogël të bizneseve, një ushqimore, një qendër arti me një galeri dhe një teatër dhe disa ferma mollësh ose kungujsh, Pomfreti është përgjithësisht një vend i qetë dhe i thjeshtë. Por në vjeshtë, teksa “kërkuesit e gjetheve” nga e gjithë bota zbresin në kodrat rrumbullake të zonës për të dëshmuar gjethet kaleidoskopike, gjithçka ndryshon.

Deri kohët e fundit, numri i shikuesve të gjetheve që vizitonin Pomfretin ishte i vogël. Por që kur imazhet e Sleepy Hollow Farm, një pronë private prej 115 akrash që ndodhet në një rrugë rurale, filluan të bëhen virale në rrjetet sociale disa vite më parë, vendasit thonë se gjërat kanë dalë jashtë kontrollit. Një vështrim i shpejtë në Instagram zbulon mijëra imazhe të rrugës gjarpëruese të paasfaltuar të fermës, të rrethuar nga pemët madhështore të panjës. Nuk është çudi që kjo fermë e jashtëzakonshme të jetë bërë e njohur si një nga “vendet më të fotografuara në shtet”.

“Është një vend i bukur. Është shumë keq që është shkatërruar për të gjithë,” tha Deborah Goodwin, koordinatorja e ekspozitave në Pomfret’s Artistree Community Arts Center. “[Në] dy vitet e fundit ka qenë jashtë kontrollit. Autobusët turistikë thjesht hidhnin… njerëz atje.”

Goodwin thotë se influencer-ët e rrjeteve sociale ngjiteshin rregullisht mbi një portë me tabela “Ndalohet hyrja”, ngrinin kabina ndërrimi për të ndërruar veshjet e tyr etë shumta, ngulnin “makinat e qytetit” në rrugën e ngushtë të dheut dhe linin mbetjet trupore buzë rrugës. “Ishte keq,” kujton ajo. “Banorët shkuan në [qeverisjen vendore] dhe thanë, ‘Kjo nuk mund të vazhdojë më’.”

Gjatë sezonit të vëzhgimit të gjetheve në vitin 2022, forcat e rendit e kthyen përkohësisht rrugën që kalonte Sleepy Hollow në një rrugë me një drejtim. Nuk ishte e mjaftueshme për të penguar turistët që të mos silleshin keq. Këtë vit, banorët vendas provuan një qasje të ndryshme: financim kolektiv.

Në një lutje në GoFundMe, një ekip organizatorësh shkroi: “[Kemi] pasur një rritje të paprecedentë të ‘influencer-ëve turistikë në Instagram dhe TikTok… [të cilët] kanë dëmtuar rrugët, kanë kryer aksidente, kanë kërkuar rimorkim nga kanalet, kanë shkelur kopshtet, kanë defekuar në pronë private… dhe kanë sulmuar verbalisht banorët.” Deri më sot, janë mbledhur 103 donacione me në total 16,068 dollarë.

Si rezultat, zyrtarët e qytetit votuan për mbylljen e rrugëve që të çojnë në fermë gjatë sezonit të pikut të gjetheve të vjeshtës (23 shtator deri më 15 tetor) për jorezidentët, duke nxitur zemërimin e udhëtarëve që kishin shkuar me makinë në zonë me shpresën për të kapur një foto të kuruar të vjeshtës.

“Është një hotel dhe park zbavitës,” tallet një Instagrammer me 20,000 ndjekës. “Sillni të gjithë miqtë tuaj dhe rulotat.”

Shumica e banorëve të Pomfretit theksuan se nuk janë antituristë; ata thjesht duan që njerëzit ta trajtojnë qytezën e tyre me respekt. Edhe më shqetësuese sesa çështjet e pronës private, janë shqetësimet e sigurisë për banorët e Cloudland Road, si dhe për vetë turistët.

Sipas sherifit të kontesë Windsor, Ryan Palmer, “Kjo nuk është një rrugë që është projektuar për të pasur shumë automjete në të. [Në vitin 2021 dhe 2022] kishte makina të parkuara lart e poshtë rrugës dhe nuk mund të kalonin zjarrfikësit apo ambulancat. Thjesht e dërrmoi infrastrukturën e zonës.”

Gjërat ishin ndryshe në qytezën e zhurmshme fqinje të Woodstock-ut, ku përfundon Cloudland Road. Atje, turma vizitorësh hynin dhe dilnin në butikët e lezetshëm, vitrinat e tyre të zbukuruara me tenxhere me nëna dhe kunguj dimërorë. Në trotuaret e qytetit, njerëzit ndalonin për të kapur fotografi piktoreske të ndërtesave madhështore të ngritura nga Rockefellers. Edhe restorantet e qytetit ishin plot. Në Woodstock Inn & Resort, shefi ekzekutiv i të cilit, Matthew McClure, është shtatë herë gjysmëfinalist i çmimit James Beard, kishte vend të mjaftueshëm në restorantet e pronës për ata që qëndronin në bujtinë.

Ndryshe nga Pomfreti, Woodstock-u është një qytezë që lulëzon në turizëm dhe i ka kapacitetet për ta përballuar. Lori Crowningshield, menaxhere e shitjeve me pakicë në dyqanin kryesor të The Vermont Flannel Co në Elm Street, raportoi se biznesi po kalonte fundjavën më të ngarkuar të vitit. Pas një vere me shi që ishte “e vështirë për të gjithë”, ajo shpjegoi: “Ne kemi vërtet nevojë për turistët këtu”.

Por ajo që është e mirë për Woodstock-un nuk është domosdoshmërisht e mirë për Pomfretin. Në një kohë kur qytete si Venecia janë aq të mbushura me udhëtarë saqë zyrtarët janë gati të vendosin një taksë turistike për vizitorët, dhe kur restorantet në modë po ndalojnë influencer-ët dhe telefonat e tyre të hanë, Pomfreti është vetëm një nga shumë vendet në mbarë botën që përpiqen të frenojnë turizmin e tepruar dhe luftën kundër hashtagerëve, por kjo ka një kosto.

Sipas Palmerit, mbylljet e rrugëve të Pomfretit nuk kërkojnë vetëm kohë për zbatimin e ligjit; janë gjithashtu të shtrenjta. Palmeri mendon se banorët e Cloudland Road paguan një faturë mbi 10,000 dollarë që zyrtarët të mund të vendosnin tabela për mbylljen e rrugëve dhe të zbatonin patrullimet, të gjitha këto i dhanë një reputacion qytezës kur u përhap lajmi.

Palmer shpreson se drama e Pomfret të ketë marrë fund. Banorët kanë hedhur idenë e krijimit të një sistemi rezervimi ose biletash për vizitat në Sleepy Hollow për të ndihmuar në menaxhimin e fluksit të turistëve në një mënyrë më të përgjegjshme, por me sa di ai, ky opsion nuk është duke u konsideruar seriozisht.

“Ne gëzohemi që kemi turistë këtu, është një pjesë e rëndësishme e ekonomisë së Vermontit dhe ne duam që njerëzit të shijojnë bukurinë natyrore, të vizitojnë shitësit dhe dyqanet dhe të qarkullojnë me makina,” tha ai. “E rëndësishme është të kesh respekt për shtëpitë e njerëzve dhe pronën e tyre… Ju lutemi, ejani na vizitoni, por jini të respektueshëm.”