Shenjat në lëkurë që tregojnë se hamë shumë kripë

Ndonëse e dimë se marrja e moderuar e kripës nuk është e dëmshme për shëndetin tonë, konsumimi i tepërt i saj mund të çojë në shumë probleme shëndetësore.

Sipas WebMD, kripa është një erëz që mund t’i japë shije ushqimit tonë dhe të veprojë si një ruajtës. Ai përmban rreth 60 për qind klorur dhe 40 për qind natrium.

Pothuajse të gjitha ushqimet e papërpunuara, duke përfshirë perimet, frutat, arrat, mishin, drithërat dhe produktet e qumështit, kanw sasi tw vogwl tw natriumit. Kripa që hamë ndihmon në relaksimin dhe shtrëngimin e muskujve, ndihmon impulset nervore dhe balancon mineralet dhe ujin që marrim.

Por marrja e tepërt e kripës ka një efekt negativ në sasinë e ujit të përthithur nga organet tona të brendshme. Kjo më pas do të nxisë trupin të tërheqë ujin nga qelizat dhe lëkura jonë, duke çuar në dehidrim, shpjegojnë mjekët, raporton Index.hr, transmeton Klankosova.tv.

Kjo është arsyeja pse ne mund të shohim drejtpërdrejt në lëkurën tonë nëse konsumojmë shumë kripë përmes dietës sonë. Dehidratimi i lëkurës mund të çojë në ndryshime të papritura si lëkura e thatë, shfaqja e hershme e rrudhave, si dhe një pamje e zbehtë. Po kështu, disa njerëz përjetojnë kruajtje për shkak të thatësisë, transmeton Klankosova.tv.

Përveç ndryshimeve të sipërpërmendura të lëkurës, shenjat që tregojnë se po hamë shumë kripë përfshijnë dhimbje stomaku, fryrje, presion të lartë të gjakut, ënjtje të këmbëve, rritje të etjes, probleme me gjumin, ndjenjë të dobët ose mungesë përqendrimi.