Zgjoheni shumë të djersitur gjatë natës? Kjo mund të jetë simptomë e variantit të ri të Covid-19

Të gjithë i dimë tashmë simptomat e zakonshme të virusit Covid-19, por një variant i ri duket se po i lë njerëzit me një simptomë të pakëndshme gjatë natës.

Varianti ‘BA.5” është quajtur “vëllai” i Omicron, i cili u përhap fillimisht gjatë dimrit të vitit 2021 dhe ishte lloji dominues derisa u tejkalua nga ky variant i ri disa javë më parë.

Dhe ndërsa të dy llojet e virusit kanë simptoma të ngjashme, “BA.5” ka një veçori shtesë të padëshiruar, me shumë të sëmurë që raportojnë djersitje gjatë natës.

Shkencëtarët mendojnë se mund të jetë i ngjashëm me Omicron në ashpërsi dhe të shkaktojë më pak raste serioze dhe vdekje sesa paraardhësit si Alpha dhe Delta, por si Omicron, besohet se transmetohet më lehtë. Dëshmitë kanë lënë të kuptohet gjithashtu se BA.5 mund të jetë më në gjendje të riinfektojë pacientët.

Studimi i ZOE Covid Study raporton se simptomat më të zakonshme të Covid tek njerëzit me dy ose më shumë doza të vaksinës përfshijnë rrjedhjet e hundës, dhimbje koke, teshtima, dhimbje të fytit dhe kollë të vazhdueshme.

NHS i përshkruan se nëse keni Covid e dalloni pasi “kur djersitni aq shumë sa që rrobat dhe shtrati i natës janë lagur, edhe pse vendi ku jeni duke fjetur është i freskët”.

Përveç BA.5, shkaqet e zakonshme përfshijnë gjithashtu ankthin, simptomat e menopauzës, sheqerin e ulët në gjak, medikamente të caktuara, përdorimin e drogës ose alkoolit dhe një gjendje të padëmshme të quajtur hiperhidrozë, e cila i bën të sëmurët të djersiten më shumë se zakonisht gjatë gjithë kohës.

Djersitjet e natës rrallë mund të jenë shenjë e një gjendjeje më serioze ose të mos kenë një shkak të njohur.