6 këshillat në pasaportēn shqiptare në kohën e Ahmet Zogut

Gjashtë këshilla tepër të vlefshme nga koha e Mbretërisë së Ahmet Zogut shkruheshin në kapakun e brendshëm të pasaportës shqiptare të viteve 30-të.

1.Ta dish dhe të jesh i sigurt se fatbardhsia dhe lumturia e jote gjindet në Shqipni e cila t`ep nder e të fal emnin shqiptar,

2.Ruaje mirë karakterin komtar dhe kryenaltsin shqiptare, bindju ligjeve dhe urdhnave të vendit kudo që të jesh.

3.Çdo shqiptar asht vëllau yt, nderoje kurdoherë dhe ndihmoje kur të ketë nevojë.

4.Mos e përbuz gjuhën e nanës s´ate, tue fole në gjuhë të huej kur nuk asht nevoja.

5.Ndero flamurin e atdheut tand, kush nuk e nderon Shenjin e komsis, shnderon vehten e vet.

6.Dashuria për atdhe ndihet ma tepër në mërgim, prandaj ketë dashuri ruaje edhe kur të këthejsh në vendin t´and.

Gjatë periudhës së regjimit komunist Shqipëria nuk lejonte qytetarët e saj të udhëtonin jashtë shtetit ndaj nuk lëshonte pasaporta të zakonshme por vetëm pasaporta diplomatike dhe shërbimi në numër të kufizuar. Pasaporta shërbimi u lëshoheshin edhe shoferëve apo studentëve shqiptarë me studime në vende të huaja por pas përfundimit të misioneve apo studimeve pasaporta duhej të dorëzohej përsëri në organet e policisë. Me ardhjen e demokracisë autoritetet lëshojnë pasaporta për çdo qytetar që bën kërkesë dhe që përmbush kushtet e vendosura me ligj.

Pasaporta e Shqipërisë është dokument identifikimi dhe udhëtimi që përdoret nga shtetasit shqiptarë për të kryer udhëtime jashtë kufijve të Shqipërisëdhe shërben për të provuar shtetësinë shqiptare dhe për të identifikuar mbajtësin e saj.

Organi kompetent për lëshimin e tyre është Ministria e Brendshme. Mbajtësi i pasaportës shqiptare gëzon të drejtën për mbrojtje diplomatike në çdo skaj të botës kapilarisht nga Shteti shqiptar në rast të cenimit të dinjitetit, integritetit dhe të drejtave njerëzore të shtetasve shqiptarë në vendet e huaja.

Me Vendim te Këshillit te Ministrave nr. 913 te datës 21/12/2011 pasaportat jobiemtrike nxirren jashte perdorimit duke filluar nga data 01/03/2012. Nga kjo datë pasaportat jobiometrike nuk do vlejnë më si dukument udhëtimi