<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

“Është shtuar shumë këto kohë!” Çfarë fshihet pas fenomenit me trupin tonë që po shqetëson qytetarët

Në rrjetet sociale ka filluar të diskutohet shumë mbi shkarkesat elektrike që bën trupi jonë kur ka kontakt me një person tjetër apo një send metalik që ka kontakt me tokën. Diskutimet janë të ndryshme, madje ka prej tyre që e lidhin me luftrat dhe pandeminë duke theksuar se fenomeni është shtuar shumë kohët e fundit, por sa qendrojnë këto pretendime dhe a është e vërtetë se kemi të bëjmë me një aktivitet të nxitur nga faktorë të jashtëm?

Bëhet fjalë pikërisht për elektricitetin statik, i cili nuk është i dukshëm, por bën pjesë në jetën tonë dhe ekzistojnë metoda për të shmangur këtë fenomen të bezdisshëm.

Trupi i njeriut manifeston shkarkime elektrike statike që janë rezultat i një ndryshimi të mundshëm ekzistues mes një ngarkese pozitive me atë negative. Në të dyja rastet ekziston një elektron në dispozicion për të neutralizuar një ngarkesë pozitive.

Në muajt ku moti është i ftohtë dhe i thatë, mund të ndodhët që shkarkimet elektrostatike të jenë më të shpeshta, por mund ta rregullojmë këtë lloj problemi.

Si krijohet elektriciteti statik?

Arsyet kryesore për krijimin e Energjisë Elektrike Statike janë si më poshtë:

Kontakti i dy materialeve. (fërkimi, rrotullimi, ecja, etj.)
Transferimi i shpejtë i nxehtësisë. (p.sh. materiali në furrë)
Rrezatimi me energji të lartë. (UV, rreze X, fusha të forta magnetike)
Procedurat e prerjes. (p.sh. prerja e gjetheve)
Induksioni. (prania në një fushë elektrike të krijuar nga ngarkesa statike)
Fenomeni vërehet shpesh në ambientet e zyrave, duke u lidhur drejtpërdrejtë me dyshemenë. Ka dy shkaqe të mundshme:

1) Ngarkesa që janë krijuar nga një shkak tjetër dhe jo nga dyshemeja, por që nuk mund të shkarkohen për shkak të këpucëve të ndryshme si për shembull ato me sholla gome.
2) Personi ngarkohet nga karrigia që ulet nëse rrotat e saj rrotulluese nuk janë përçuese, në mënyrë që të shkarkohet pa probleme, shkruan abcnews.al.

Pajisjet elektronike (p.sh. kompjuterët) të përdorur, në varësi të detajeve të ndërtimit të tyre, mund të jenë më të ndjeshme se ato njerëzore. Prodhuesit më pas kërkojnë një madhësi maksimale të ngarkimit si dhe vlera minimale të lagështisë relative.

Vëmendje e veçantë duhet t’i kushtohet zonave ku përdoren lëndë shpërthyese ose të ndezshme (operacionet, laboratorët, zonat e ruajtjes së municioneve ose fishekzjarrëve, pikat e karburantit). Në të gjitha zonat e mësipërme, dyshemeja duhet të sigurojë një mënyrë të sigurt për të hequr ngarkesën statike dhe për këtë arsye duhet të përdoren dysheme të veçanta.

Si mbrohemi nga elektriciteti statik?

Në shtëpi mund të përdorim metodat për të rritur lagështinë. Grimcat e ajrit kontribuojnë për të shkarkuar ngarkesën. Gjithashtu një ndihmë janë edhe bimët apo uji i aromatizuar nga agrumet.

Një tjetër këshillë është se mund të vendosni tek rrobat tuaja një gjilpërë, pasi metali ndihmon në shpërndarjen e ngarkesës. Gjithashtu mund të mbani në xhep një monedhe metali dhe kështu do të shpëtoni nga elektriciteti që ju prodhoni trupi.

Edhe tapetet apo moketet mund të jenë të ngarkuar me elektricitet statik. Për këtë ekzistojnë sprejt të posaçëm në dyqan, por ne këshillojmë gjithmonë që të spërkatni pak ujë dhe zbutës mbi tapet.

InForCulture