Rakuni një kafshë e vërtetë hajdute: Hap pa problem brava shumë komplekse

Shikoni videon me të cilën janë testuar aftësitë dhe inteligjenca e tij prej hajduti

Shkencëtarët kanë konstatuar që rakuni mund të hapë 11 deri 13 brava komplekse në më pak se dhjetë përpjekje dhe nuk ka probleme nëse janë bërë ndryshime më të vogla në sistemin e bravave, transmeton Telegrafi.

Ku jetojnë rakunët

Numri më i madh i rakunëve jetojnë në Amerikën Veriore, pjesë të Meksikës, Kanadasë dhe Amerikës së Jugut. Nga pyjet e shirave deri te rrugët e qyteteve, rakunët përshtaten në çdo habitat.

Kudo që të shpërngulen, territorin e tyre do ta shënojnë me urinë, jashtëqitje dhe sekrecione nga gjëndrat anale.

Rakuni amerikan: pamja e kafshës

Njihen sipas maskës së zezë specifike rreth syve (maskës prej banditi) dhe rrathëve ngjyrë të errët në bisht. Pjesën tjetër të trupit e mbulon gëzofi i errët – i kafenjtë.

Reklama

Mund të rriten deri në 95 centimetra dhe të peshojnë deri në 10 kilogramë.

Nuk mund të vrapojnë shpejt dhe të kërcejnë lart për shkak të këmbëve të shkurtra, por janë notarë të shkëlqyeshëm. Mund të qëndrojnë në ujë për disa orë.

Ushqimi

Rakunët hanë gjithçka dhe çdo gjë që mund të gjejnë afër vetes. Ata hanë bretkosa, peshq, insekte, minj dhe bimë.

Ata kanë putra të përparme shumë të ndjeshme dhe gishtërinj shumë të lëvizshëm mbi to.

Ata ushqehen në muajt e ngrohtë dhe bien në dimër.

Janë kafshë nate që komunikojnë me tinguj të ndryshëm. Ata kanë deri në 13 tinguj të ndryshëm me një kuptim specifik, dhe shtatë prej tyre përdoren nga nënat dhe foshnjat kur komunikojnë. Për më tepër, të gjithë rakunët kanë dëgjim të shkëlqyeshëm.

Reklama

Sjellja

Dikur besohej se rakunët janë kafshë që u pëlqen të jetojnë vetëm, por sot shkencëtarët regjistrojnë grupe meshkujsh ose femrash që urinojnë së bashku në një habitat të caktuar.

Edhe meshkujt jetojnë në grupe prej 4 rakunësh, gjë që i ndihmon shumë në mbrojtje kundër grabitqarëve dhe rreziqeve të tjera.

Shumimi

Femra mbart nga një deri në shtatë këlyshë dhe ata jetojnë në një zgavër të një pemeë. Kur një nënë rakun lind një të ri, ajo do të izolohet nga grupi dhe meshkujt agresivë derisa të rinjtë të rriten.

Rakunët e egër jetojnë vetëm dy deri në tre vjet, dhe në robëri deri në 16 vjet.

A e dini se…

Një rakun sa herë që mundet, shfrytëzon rastin që të pastrojë ushqimin e tij para se ta hajë atë. /Telegrafi/