Më 22 tetor 1494, pra 528 vjet më parë, u regjistrua emërimi i Marin Beçikemi-Shkodranit, Rektor i shkollave të Republikës së Raguzës!
Sipas kalendarit historik, më 22 tetor 1494, pra 528 vjet më parë, u regjistrua emërimi i Marin Beçikemi-Shkodranit, Rektor i shkollave të Republikës së Raguzës!
Marin Beçikemi lindi në Shkodër në vitin 1468. Që në moshën 10-vjeçare, kur Shkodra ra nën sundimin osman dhe kur prindërit e tij u kapën nga pushtuesi, ai me të afërmit e tij u shpërngul në Bresha, kjo qendër e njohur e Humanizmit dhe e Rilindjes, që në atë kohë ishte pjesë e Republikës së Venedikut. Pas përfundimit të studimeve në Bresha, më 1492 Senati i Republikës së Raguzës, duke njohur aftësitë dhe njohuritë e tij të rralla në gjuhët, letërsitë dhe retorikën klasike, e ftoi të bëhej profesor, dhe më 22 tetor 1494 e zgjodhi Rektor të shkollave të Raguzës. Këtu Beçikemi (sipas dokumentit Marinum Becichi de Scutaro pro Rectore et magistro scholarum) bëri emër si pedagog erudit dhe mendimtar humanist në vitet 1492-1496; 1504-1505, dhe në vitet 1508-1510. Gjatë qëndrimit në këtë qytet, dhe pikërisht në vitin 1495, ai ia kushtoi veprën e parë të njohur Princit dhe Senatit të Raguzës, me titull: “Castigationes et observations in Virgilium, Ovidium, Ciceronem, Servium et Priscianum”!
Burimi: Arkivi Shtetëror i Dubrovnikut!
Recent Posts
Qyteti më i lashtë në Shqipëri, pse Durrësi u quajt ‘Kostandinopoja e dytë’! U themelua nga dy mbretër me origjinë ilire dhe u pushtua nga turqit në 1501-shin
Për ta sjellë historinë më pranë komunitetit lokal, por edhe vizitorëve, të cilët priten të…
Ndiheni të lodhur gjatë gjithë kohës? Këto mund të jenë shkaqet
Lodhja është një gjendje që të gjithë e përjetojmë herë pas here, por kur ajo…
Lidhja islamike, që u shndërrua në Lidhjen shqiptare
Gazmend Shpuza Kuvendi historik i Prizrenit, në të cilin u themelua Lidhja Shqiptare, i mbajtur…
Lufta e Mashkullorës, si i mundi Çerçiz Topulli osmanët vetëm me 20 ushtarë! Beteja që shënjoi Lëvizjen Kombëtare Shqiptare
Më 18 mars të vitit 1908 forcat turke nisën sulmin kundër çetës së Çerçiz Topullit.…
Moskë, 23 mars 1949: Shënime nga biseda sekrete e Stalinit me Enver Hoxhën
Çfarë interesimi shprehte Stalini mbi situatën në Shqipëri dhe si i interpretonte tendencat jugosllave? Kush…
Osmanët në Luftën e Parë Botërore dhe rreshtimi i shqiptarëve krah tyre
Nga: Agron Islami Njëra ndër ngjarjet më të përfolura, por më të pa trajtuara profesionalisht…