Vuani nga ankthi? 5 këshilla që mund t’ju ndihmojnë ta përballoni

1. Thuaj vetes mirëmëngjes

Në shumicën e mëngjeseve, truri ynë është i fikur dhe trupat tanë nxitojnë të vrapojnë sapo çohemi nga shtrati. Kjo shkëputje që na është kthyer në zakon e trupit dhe mendjes shkakton ankth dhe na jep ndjesi parehatie edhe gjatë vazhdimit të ditës. Ajo çfarë do të na qetësonte, është kthimi tek vetvetja. Para se të çoheni për të vazhduar me rutinën tuaj, kthehuni tek trupi dhe merrni frymë thellë. Bëni 2 frymëmarrje të ngadalta dhe ndjeni sesi trupi ka filluar të lëvizë.  Mund t’i ktheheni realitetit kur ta ndjeni se truri dhe trupi janë të bashkuar dhe në një linjë.

. Bëj kontrollin e “leximit të mendjes”

Janë mendimet ato që na sjellin stresin dhe ankthin, pasi njeriu ka tendencën të imagjinojë skenarët më të këqija në kokën e tij. E zëmë se i dashuri yt është thjesht i qetë, por mendimi i parë që të shkon ndërmend është: “ai është zemëruar me mua, ç’mund të ketë vallë?” Ne kemi tendencën të besojmë se të gjithë mendojnë keq për ne, që jemi të çuditshëm apo jo të zgjuar mjaftueshëm. Në fakt, shumicën e kohës njerëzit e tjerë mendojnë shumë më mirë nga ç’kemi frikë ne, por sigurisht kjo ndodh nëse dikush fillimisht është duke menduar për ne. Kontrolloni mendimet tuaja dhe filloni të mendoni pozivisht për të tjerët në lidhje me veten.

3. Kohën e drekës kaloje jashtë

Bëj një shëtitje të shkurtër me një koleg, dil mer ajër të pastër, ose vaktin e ditës konsumojeni jashtë. Bëni gjithçka për të kaluar pak kohë në ajër të pastër.  Mundësisht lëreni telefonin në zyrë apo shtëpi dhe shijoni ajrin. Do ta shihni sesi perspektiva juaj do të ndryshojë dhe sa pak të stresuar do të ndiheni krahasuar me më parë. Një drekë e kaluar jashtë do t’ju bëjë të mos e ndjeni fare stresin e punës.

4. Ndjejeni ujin

Shumë prej nesh e prekin ujin disa herë gjatë ditës, por rrallë ndodh që ta ndjejnë. Duke i kushtuar vëmendje ndjesisë që të jep prekja e ujit do ta ktheni atë moment në shumë relaksues dhe të veçantë. Bëjeni këtë kur bëni dush, lani duart, apo fëmijën tuaj.

5. Festo shpesh për fitoret e tua

Mendja jonë koleksionon më shumë humbjet dhe zhgënjimet sesa gëzimet dhe fitoret në jetë. Si rezultat, ditët tuaja janë pa humor dhe të mërzitshme. Para se të flini gjumë çdo natë, shkruani të paktën 3 gjëra që shkuan mirë gjatë një dite, sado qesharake mund të të duken të nesërmen. Ngjallini kujtimet dhe kushtojini vëmendje detajeve pasi kjo ju forcon aftësinë tuaj për të qenë gjithmonë efikas.