Problemin e prejardhjes së popullit shqiptar e shtroi dhe e trajtoi për herë të parë mbi baza shkencore historiani Johan Tuman 250 vjet më parë

Problemin e prejardhjes së popullit shqiptar e shtroi dhe e trajtoi për herë të parë mbi baza shkencore historiani Johan Tuman 250 vjet më parë . Duke u mbështetur në faktet historike e gjeografike, por duke përdorur edhe përfundimet që dilnin nga materialet gjuhësore, ai hodhi poshtë hipotezat pa baza që ishin shprehur prej disave, tregoi autoktoninë e shqiptarëve dhe mbrojti tezën e prejardhjes së tyre prej ilirëve, të cilët i vështroi të afërt me trakasit. Nga analiza e gjuhës shqipe, vëren ai, nuk është e mundur të mos shohësh se folësit e saj kanë qenë fqinjë shekullorë të grekëve dhe nënshtetas të Romës së lashtë; si njëri si tjetri fakt të shpien tek ilirët e vjetër. Ai thekson se populli shqiptar ka ruajtur bazën e vjetër ilire të gjuhës së tij, kurse depërtimi i një numri të madh huazimesh nga gjuhët e tjera pasqyron gjurmët e ngjarjeve dhe periudhave të ndryshme të historisë së tij.
©Mahir Domi
Për të interesuarit , libri mund te gjendet vetem ne librarite: Adrioni, Albania, Arts Librari dhe Tirana e Re ne Tirane dhe librari Toena ne Vlore.