‘Shtëpia’ përvëluese e peshkaqenëve mutantë shpërthen në thellësi të Paqësorit

Një vullkan gjigand nënujor ka shpërthyer në thellësi të Oqeanit Paqësor duke dërguar në sipërfaqe shtëllunga uji që mund të shiheshin edhe nga hapësira Imazhet satelitore të NASA-s kanë fotografuar momentet e shpërthimit të vullkanit Kavachi, i cili ndodhet 24 km në jug të ishullit Vangunu. Prej tij mund të shihen të dalin sasi uji të ngjyrosur.

Vullkani e ka marrë emrin për shkak të gjallesave detare që mund të jetojnë në kushtet e tij të vështira, mes thellësive dhe fragmenteve të shkëmbinjve pluskues. Shkencëtarët u njohën me të në vitin 2015 gjatë një studimi.

Nga ky i fundit rezultoi se peshkaqenët dhe peshqit mund të mbijetonin në ujërat e nxehtë, acidë dhe me sulfur që rrethojnë vullkanin. Dy nënlloje të peshkaqenit kokëçekiç mund të shiheshin duke notuar në kraterin nënujor. Ekspertët besojnë se ata kanë pësuar mutacione që i kanë lejuar përshtatjen me këto kushte ekstreme.

Shpërthimi zgjati për disa ditë midis Prill-Maj 2022, sipas NASA-s. “Vullkani shpërthen thuajse vazhdimisht dhe banorët e ishujve përreth raportojnë se shohin vazhdimisht tym e hi”.

Ishulli ka emrin e një hyjnie deti të popullit Vangunu dhe njihet ndryshe edhe si “furra e Kavachi”./tvklan.al