Pse nuk duhet t’i vendosni domatet në frigorifer?

“Protagonisti” i sallatës së fshatit, domatja e lëngshme dhe e shijshme, nuk ka vend në frigorifer, por mbahet më mirë në temperaturën e dhomës, sipas një studimi të ri shkencor të kryer nga studiues të Universitetit të Floridës dhe të publikuar në revistën e Akademia Kombëtare e Shkencave e SHBA (PNAS).

Sipas gjetjeve të reja, domatja prishet kur ekspozohet ndaj temperaturave nën 12 gradë Celsius dhe nuk mund të kthehet në gjendjen e mëparshme edhe nëse më pas e lëmë jashtë frigoriferit.

Eksperimentet e kryera nga studiuesit mbi lloje të ndryshme domatesh treguan se temperaturat e ulëta pengojnë veprimin e enzimave që i japin domateve shijen e saj karakteristike. Kështu, ruajtja e domates në frigorifer e mban atë të freskët, por humbet shijen e saj.

Prandaj domatja e lënë në frigorifer prej disa ditësh është pothuajse pa shije në krahasim me domatet e thara në diell, e cila nuk është ekspozuar fare në temperatura të ulëta.

Studiuesi Harry Kli, një nga autorët e studimit të ri, e krahason procesin me kryerjen e një kompozimi muzikor. Nëse i nxjerrim violinat dhe instrumentet frymore, thotë Kli, do të kemi zë, por nuk do të jetë njësoj.  “Që një domate të jetë e shijshme, domethënë të jetë përzierja e duhur e acideve, sheqernave dhe përbërjeve organike të avullueshme, një kombinim prej rreth 30 kimikatesh duhet të jetë në ekuilibër.”

Ndaj preferoni të blini disa domate në të njëjtën kohë dhe t’i konsumoni menjëherë për t’i shijuar sa më të freskëta por edhe më të shijshme!