A shkaktojnë kancer celularët? Ja çfarë tregon studimi i ri

Një studim i ri në shkallë të gjerë nuk gjeti asnjë lidhje midis përdorimit të celularit dhe rritjes së rrezikut të zhvillimit të kancerit të trurit tek të rinjtë.

Studimi u krye nga shkencëtarët e Institutit të Shëndetit Botëror të Barcelonës me pjesëmarrjen e ekspertëve nga 14 vende dhe rezultatet e tij u publikuan në revistën “Environment International” .

Shkencëtarët kanë studiuar se si ekspozimi ndaj fushave elektromagnetike (EMF) nga pajisjet me valë (të lëvizshme dhe fikse) ndikon në tumoret e trurit tek të rinjtë. Rezultati ishte se nuk u gjet asnjë lidhje shkakësore midis këtij lloji të kancerit dhe përdorimit të fushave elektromagnetike të radiofrekuencës (RF) dhe frekuencës jashtëzakonisht të ulët (ELF) nga pajisjet.

Si u bë studimi për tumoret në tru

Gjatë hulumtimit, u krye analiza e të dhënave në një kampion prej gati 900 të rinjsh të moshës 10 deri në 24 vjeç me tumor në tru. Ishte studimi më i madh i tumoreve të trurit tek të rinjtë, i cili zbuloi se shumica e tumoreve ishin të llojit neuroepitelial dhe i përkisnin gliomave.

Në të njëjtën kohë, shkencëtarët pranojnë se deri më tani numri i pacientëve nuk është ende i mjaftueshëm për të vlerësuar të gjitha efektet e mundshme të përdorimit të celularit.

Duke komentuar studimin, Kirill Kirgizov, zëvendësdrejtor i kërkimit dhe edukimit në Institutin Kërkimor të Onkologjisë dhe Hematologjisë Pediatrike Blochin, tërhoqi vëmendjen për rëndësinë e tij. Siç ka shpjeguar eksperti në një intervistë për “Zvezda”, sot shumë njerëz ende besojnë se përdorimi i celularëve mund të shkaktojë zhvillimin e kancerit, i cili është joshkencor.

“Telefonat celularë nuk shkaktojnë tumore malinje të trurit,, organeve dhe sistemeve të tjera tek fëmijët. Në thelb, kancere të tilla nuk varen nga faktorët e mjedisit, sepse janë të ashtuquajturat tumore fetale, të cilat kanë shkaqe krejtësisht të ndryshme të zhvillimit”, theksoi ai.

Telefonat, natyrisht, nuk duhet t’i jepen fëmijës nga mosha një muajshe, por në asnjë mënyrë nuk ndikojnë në rritjen e tumoreve në tru, siguroi Kirill Kirghizov.