<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Mungesa e tij mund të çojë në anemi dhe imunitet të dobët: Ku mund ta gjejmë fosforin?

Pos që është i dobishëm, ai është edhe një element me rëndësi jetësore për shëndetin dhe funksionimin e duhur të trupit.

Niveli i konsumimit të tij ndikon drejtpërdrejt në përthithjen e lëndëve ushqyese dhe vitaminave (përfshirë vitaminat B), ruajtjen e funksionit normal të veshkave dhe zemrës, si dhe në gjendjen e dhëmbëve dhe kyçeve.

Përveç kësaj, fosfori është i përfshirë drejtpërdrejt në metabolizmin e energjisë dhe rregullimin e niveleve të hormoneve dhe ekuilibrit acid-bazë, transmeton Telegrafi.

Mungesa e fosforit në trup mund të ndikojë në njohjen dhe funksionimin e trurit, si dhe të shkaktojë kocka të dobëta, dhimbje sistemike të kyçeve, prishje të dhëmbëve dhe probleme me përqendrimin.

Përveç kësaj, mungesa e këtij elementi mund të çojë në anemi dhe dobësim të imunitetit.

Ku gjendet fosfori?

Shumica e fosforit hyn në trupin tonë përmes ushqimit. Mungesa e fosforit është një fenomen mjaft i rrallë që shfaqet më shpesh tek njerëzit me funksion të dëmtuar të veshkave dhe përkrahës të një diete vegjetariane, sepse mishi, peshku dhe ushqimet e detit janë një nga burimet kryesore të fosforit.

Një sasi e madhe fosfori gjendet tek llojet e peshqve si salmoni, krapi, toni, peshku i bardhë, bakalaro, skumbri, sardelet. Shumë fosfor gjendet gjithashtu te guaskat e detit, karkalecat, midhjet dhe mishi i gaforres. Ne do t’ju tregojmë se cilat ushqime të tjera përmbajnë shumë fosfor dhe ku mund ta gjejnë vegjetarianët.

Djathë dhe produkte të qumështit

Fosfori absorbohet më mirë nga trupi kur hyn në të në sasi afërsisht të barabarta me kalciumin. Kjo është arsyeja pse produktet e qumështit konsiderohen si një nga burimet më të mira të fosforit. Djathërat janë veçanërisht të pasur me fosfor, duke përfshirë parmixhanin, mocarelën dhe djathin e dhisë.

Hudhra

E njohur për vetitë e saj antibakteriale, hudhra forcon sistemin imunitar, ndihmon në uljen e niveleve të kolesterolit të keq, normalizon presionin e gjakut dhe gjithashtu mund të parandalojë kancerin, atakun në zemër dhe goditjen në tru. Hudhra përmban një sasi të madhe të elementëve gjurmë të dobishëm, duke përfshirë hekur, fosfor, zink dhe shumë vitaminë C.

Brokoli

Brokoli është një produkt dietik tepër i vlefshëm, i pasur me vitamina dhe lëndë ushqyese dhe në të njëjtën kohë me pak kalori. Për sa i përket vetive të dobishme, mund të konkurrojë ndoshta me avokadon e preferuar të të gjithëve. Përveç fosforit, brokoli përmban vitamina B1, B2, C, PP, B, C dhe E, si dhe kalcium, magnez, fibra dhe antioksidantë.

Drithërat

Burime të shkëlqyera të fosforit janë elbi, gruri, tërshëra dhe misri, të cilët përmbajnë sasinë më të madhe të këtij elementi gjurmë. Kjo është arsyeja pse mielli i misrit pa gluten, i cili është i pasur me kalium, kalcium, magnez, fibra dhe vitamina B, mund të jetë një zëvendësues i shkëlqyer i miellit të grurit.

Soja dhe bishtajore të tjera

Fasulet e kuqe dhe të bardha, thjerrëzat dhe soja janë veçanërisht të pasura me fosfor.

postbck postbck