Municipum Dardanium një ndër zonat më të rëndësishme administrative në provincen e atëhershme romake të Dardanisë

Municipum DD (Municipum Dardanium) ◾◾
Ky lokalitet arkologjik i takon periudhës kohore rreth shekujve I-IV dhe ndodhet rreth 27 kilometra në veri të Mitrovicës. Në kohën kur u ndërtua ky vendbanim i tipit urban, ishte një ndër zonat më të rëndësishme administrative në provincen e atëhershme romake të Dardanisë.
Zakonisht Municipumet ndëtoheshin afër vendburimeve të pasura me xehe. Nga gërmimet arkeologjike që u zhvilluan në vitet ‘60-ta të shekullit XX, në atë zonë u zbuluan shumë objekte publike si: Forumi, Tepulli i Antinosit dhe Bazilika si dhe shumë eksponate nga kultura materiale e asaj kohe, disa prej të cilave pas zbulimit u dërguan në Shkup, e Beograd edhe në Prishtinë.
Municipumi DD kishte një shtrirje prej 30 hektareve, por gërmimet arkologjike u zhvilluan vetëm në pjesën lindore të lokalitetit duke paraqitur një potencial të madh për gjurmime dhe gjetje të mëtutjeshme arkeologjike. Ky sitë pati dëmtime të shumta duke filluar nga vitin 1930, kur në mes të këtij vendbanimi u ndërtua hekurudha që lidh Mitrovicën dhe Rashkën si dhe ndërtimet e shumta private që u ndërtuan në vazhdimësi. Vlen të theksohet se një pjesë e artefakteve nga ky lokalitet ruhen dhe prezantohet edhe në Muzeun e Mitrovicës.

Muzeu i Mitrovicës- Museum of Mitrovica