Liza Vorfi në shtypin gjerman… viti 1938

Kur më 26 shtator 1946, në teatrin e porsakrijuar të Kosovës, në Prizren u shfaq premiera e komedisë “E dashura”, nga Vessel Borzhak, në rolet kryesore interpretonin mjeshtërisht: Liza Vorfi, Mihal Popi, Hysen Pelinku, Behije Çela, etj.

Liza Vorfi në kopertinën e revistës gjermane “Die Voche”, tetori i vitit 1938.

Aktorja e mirënjohur e skenës dhe ekranit, Liza Vorfi, ka ka qenë shqiptarja e parë që ka dalë në kopertinën e revistës gjermane “Die Voche” në tetor 1938, në kulmin e nazizmit në Gjermani dhe ky ishte një sukses për artisten e re.

Në atë kohë, Liza kishte nisur udhën e saj si këngëtare.

Më herët, në vitin 1933 e regjistrojnë në Institutin femëror “Nana Mretneshë” në Tiranë, ku dhe vazhdoi mësimet deri në vitin 1940. Gjatë viteve në institut, tek Liza spikat edhe prirja për pikturë.

Mësuesja e lëndës e inkurajonte dhe e nxiste të merrej me pikturë. Por, Liza më për zemër pati këngën dhe baletin… Ishte 16-vjeçe, kur ka dalë në këtë foto. Pak javë më vonë, më 28.11.1938, ditën e përurimit të radios, në prag të pushtimit të Shqipërisë nga Italia, këndon për herë të parë në mikrofonin e Radio-Tiranës. (Në sallën e Bashkisë së Tiranës. Pajisjet dhe mikrofonat ishin sjellë nga Italia).

Liza, si një ndër këngëtaret e para, ka kënduar për herë të parë në Radio, këngën “Si dukat i vogël” një këngë e moçme dhe e preferuar kosovare. (Kjo këngë mbeti në kujtesën e artdashësve, si “kënga e Liza Vorfit”)

Aktorja e mirënjohur Liza Vorfi u lind në Gjakovë, më 29 nëntor të vitit 1924, ndërsa u nda nga jeta në Tiranë, më 30 janar 2011. Në vitin 1932 familja e saj shpërngulet në Tiranë. Aktivitetin artistik e ka filluar qysh në vitin 1939, si këngëtare në Radio – Tirana.

Gjatë viteve 1939-1943 vazhdoi studimet në Itali, në konservatorin e Romës e më pas, në Pizaro. Ne vitin 1945 ka ardhur ne teater si aktore. Rolin e pare e interpreton ne pjesen” Gjido”. Gjate karrierës ka realizuar mbi 60 role, si: Elmira te  ”Tartufi”, Dezdemona tek ”Otello”, Dorina te ”Borgjezi fisnik”, Beatriçja tek ”Shërbëtori i dy zotnive”, Dona Luçia te ”Karnavalet e Korçës”, Marta te ”Cuca e maleve”, Mara te ”Përmbytja e madhe” etj. Ka interpretuar me sukses kinema.