Kur Lee Hadwin ishte katër vjeç, ai shkarraviste nëpër muret e shtëpisë së tij. Jo aq befasuese për një djalosh katër vjeçar, por kishte një ndryshim që bënte dallimin: Lee ishte tërësisht në gjumë kur realizonte këto vizatime murale.
Me kalimin e viteve, vizatimet e tij u bënë më të ndërlikuara dhe në moshën 15 vjeçare pikturoi tre portrete të vogla dhe të bukura të aktores hollywood’iane Marylin Monroe, por e veçanta ishte se sërish ai nuk mbante mend asgjë nga procesi i realizimit të këtyre veprave.
Ecja dhe folura në gjumë janë të dokumentuara mirë dhe relativisht të zakonshme, por vizatimi gjatë gjumit është shumë më i rrallë si rast. Ajo çka e bën edhe më të çuditshëm këtë rast është se djaloshi Lee në momentin e zgjimit nuk shfaq asnjë talent artistik dhe nuk është i aftë të vizatojë asgjë teksa është zgjuar. Pra, çfarë mund të shpjegonte sjelljen e tij?
Penny Lewis nga Universiteti Cardiff shpjegon se somnambulizmi mund të ndodhë kur ka një mungesë ekuilibri në trurin e fjetur të një personi, ku zonat racionale janë në gjumë, por sistemi limbik, i cili kontrollon emocionet, është i zgjuar. Kjo mund të jetë edhe shpjegimi për shprehjet artistike të Lee, thotë ajo. (BBC)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Me rritjen e temperaturave, përdorimi i kondicionerit në makinë bëhet i domosdoshëm. Megjithatë, shumë…
Temperaturat e larta të verës bëjnë që shumë qytetarë të mbajnë gjithmonë me vete…
Qershitë janë ndër frutat më të dashura të stinës së verës. Ato janë të ëmbla,…
Shumë kopshtarë mund të mos e dinë se ekziston një kohë ideale për ujitjen…
H. pylori ose Helikobakteri pylori është një baktere e cila shkakton infeksion në stomak.…
Dy super ndeshje pritet të zhvillohen sonte në kuadër të xhiros së dytë të…