Shtatë metoda natyrale se si të zhbllokoni hundët kur ftoheni

ëto janë 7 mënyra të vërtetuara shkencërisht, natyrore për të pastruar rrugët e frymëmarrjes shpejt dhe me efikasitet.

Bllokimi i hundëve është një nga simptomat më të bezdisshme që shkaktohet nga ftohja. Nga pijet e nxehta deri tek thithja e avullit, ka shumë gjëra që mund të bëni në shtëpi pa iu drejtuar medikamenteve për t’i zhbllokuar hundët, shkruan lajmi.net.

Këto janë 7 mënyra të vërtetuara shkencërisht, natyrore për të pastruar rrugët e frymëmarrjes shpejt dhe me efikasitet.

Flini anash.

Një hundë e bllokuar do të thotë se ka shumë mukus në sinuset tuaja që ju pengon të merrni frymë siç duhet. Pra, është e rëndësishme që të mbani kokën lart gjatë natës duke shtuar një jastëk të dytë. Është gjithashtu jetike që të përpiqeni të flini në anë, pasi kjo do të ndihmojë në procesin e zhbllokimit. Hunda do të kullojë gjatë natës në vend që të lejojë akumulimin e mukusit më shumë.

Hidratohuni me supëra dhe çajra të nxehtë.

Pirja e lëngjeve të nxehta do t’ju çlirojë nga simptomat e bezdisshme. Studiuesit kanë zbuluar se njerëzit që konsumojnë pije të nxehta në vend të pijeve në temperaturë dhome, ndihen shumë më mirë. Kamomili, çaji jeshil, supa e pulës dhe uji i nxehtë me limon dhe mjaltë mund t’ju qetësojnë në mënyrë efektive.

Përdorni një kompresë të ngrohtë në sinusin tuaj.

Kompresa e ngrohtë zvogëlon inflamacionin në sinuset tuaja dhe zhbllokon rrugët e frymëmarrjes. Thjesht merrni një leckë të pastër, zhyteni në ujë të ngrohtë (por jo të nxehtë) dhe vendoseni në hundë. Ngrohtësia e kompresës do t’ju çlirojë vrimat e hundës. Sigurohuni që të mos e lini kompresën për një kohë të gjatë, pasi mund të përfundoni duke djegur lëkurën tuaj.

Blini një lagështues.

Ajri i ftohtë dhe i thatë e bën më keq hundën e bllokuar, prandaj ju duhet një lagështues. Mund ta mbani, ditën dhe natën, por është më e dobishme gjatë gjumit pasi ju ndihmon të pushoni dhe të ndiheni më rehat. Ju do të vini re një përmirësim të madh shumë shpejt.

Nuhatni avullin nga hudhra e zier.

Hudhra është e njohur për vetitë e saj anti-bakteriale. Mund ta hani ose (mundësisht) ta zieni në ujë dhe të thithni avullin e tij. Ju mund të përdorni një peshqir mbi kokën tuaj në mënyrë që të mbani sa më shumë avull të bllokuar.

Hani ushqime pikante.

Me siguri keni vënë re se kur hani diçka pikante, hunda juaj fillon të rrjedhë. Pra, kjo mund të jetë një zgjidhje e mirë e përkohshme për të mbajtur hundën të zhbllokuar për ca kohë.

Nuhatni vajra esenciale.

Nenexhiku dhe eukalipti janë 2 bimë që përmbajnë mentol. Ju mund të pini çaj të aromatizuar me njërën prej tyre, por mund t’i përdorni edhe si vajra esencialë. Sigurohuni që vaji të mos jetë në kontakt të drejtpërdrejtë me lëkurën, sepse mund të shkaktojë djegie.

postbck postbck