“Rruga e Eneas”, gati projekti i itinerarit të ri në gjurmët e heroit

Një itinerar i mrekullueshëm i quajtur “Rruga e Eneas” i cili risjell udhëtimin mitik të mitit trojan të rrëfyer nga Virgjili i Greqisë së lashtë.

Në këtë itinerar që përfshin pesë vend hyn edhe Shqipëria dhe projekti tashmë është certifikuar nga Këshilli i Europës.

Në tërësi janë 45 itinerare që janë certifikuar nga ky organ, ku i pari ishte ai i “Camino de Santiago në 1987”, qëllimi i të cilave është zbulimi i trashëgimisë arkeologjike, fetare, artistike dhe zona me vlera natyrore. Ky certifikim i Këshillit të Europës do u jepet rrjeteve që promovojnë kulturën, historinë dhe kujtesën e përbashkët europiane.

Lexo edhe- Butrinti pjesë e “Rrugës së Eneas” projektit për përhapjen e vlerave të Mesdheut

“Rruga e Eneas” ëshë rruga e parë arkeologjike-detare që nis në Turqi dhe arrin në Europë përmes një harte të jashtëzakonshme: Eneida e Virgjilit. Në fakt, ka një domethënie të saktë gjeografike të të gjitha fazave deri në mbërritjen në Romë.

Ai përfshin Turqinë, Greqinë, Shqipërinë, Tunizinë dhe Italinë me një shteg prej 21 fazash kryesore që prekin 6 vende të Unesco. “Rruga e Eneas” prek disa qytete mesdhetare: Troja, Antandros, Ainos-Enez (Turqi), Delos dhe Kretë, Ishujt Strofadi dhe Azio (Greqi), Butrint (Shqipëri), Castro (Pulia), Crotone (Kalabri), Ngushtica, Bregu i Ciklopit, Trapani Segesta dhe Erice (Siçili), Kartagjena (Tunizi), Capo Palinuro, Cuma-Pizzoli (Campania), Gaeta dhe Lavinium (Lazio) dhe pikërisht Roma.