Nëna Natyrë është shpesh plot të papritura. Vështirë të besohet sesa shumë krijesa të habitshme e të ndryshme nga ato që ne njohim jetojnë në planetin tonë.
Më poshtë ju sjellim fotografitë dhe përshkrimin e 11 kafshëve të cilat me siguri as i keni parë e as keni dëgjuar për to. Diversiteti i botës së egër nuk ndalet kurrë së surprizuari.
Ili Pika
Kjo kafshë e rrallë dhe tepër e këndshme njihet gjithashtu me emrin “lepuri magjik”. Ili Pika u fotografua së fundmi, për herë të parë pas 20 vjetësh, ndërsa së pari është zbuluar në malet e Kinës, Tian Shan.
Bretkoca Pinok
Kjo krijesë mban gjithashtu emrin “bretkoca hundëmajuckë e pemëve”. Kur një bretk mashkull përpiqet të tërheqë femrën apo ndjen rrezik, nis të zgjatohet, duke nxjerrë një hundë si të Pinokut përpara.
Majmuni hundështypur
Primati më i rrallë në botë u zbulua në vitin 2010 në veri të Burmës. Për shkak të formës së pazakontë të hundës së tij, majmuni tështin gjithnjë kur bie shi.
Peshku-dorë ngjyrë rozë
Disa vjet më parë, shkencëtarët zbuluan 14 specie të reja peshqish me pendë kurrizore në formën e dorës. Aktualisht, nëntë prej tyre janë në rrezik zhdukjeje.
Lakuriqët e bardhë Honduras
Këta zogj interesantë vijnë nga Amerika Qendrore dhe jetojnë nën tendën e gjetheve të Heliconia-s, hanë fruta dhe mund të rriten deri në 4.7 centimetra gjatësi.
Grimpoteuthis (ndryshe Oktapodi Dumbo)
Kjo kafshë e çuditshme e thellësive detare e merr pseudonimin për shkak të dy pendëve mbi membranën që ndodhet midis këmbëve të tij që ngjason me veshët e një elefanti fluturues Dumbo nga filmi i famshëm vizatimor.
Planktoni salp
Salpët janë lloje planktonësh që ushqehen me dioksid karboni që ndodhet në ujë, të cilin e marrin përmes trupave të tyre transparent. Me gjasa duhet t’i falënderojmë për shkak se ata reduktojnë nivelin e karbonit në ujë dhe në ajër po ashtu.
Caedicia me sy rozë
Ky karkalec me sytë e dalë si fasule rozë, jeton në malet Muller Range në malësitë e Paqësorit.
Gaforrja Cherax Pulcher
Kjo gaforre fantastike, e bukur dhe plot ngjyra, u zbulua në Indonezi, vitin e kaluar.
Breshka kineze albino zhguall-butë
Këto breshka të vogla i përdorin qafat e tyre të gjata dhe vrimat tubore të hundës si një gyp ajrimi për të notuar nën ujë.
Lakuriqi Nendo, që thith fruta me hundë
Ky lakuriq i këndshëm që ka zakonisht sy dashamirës dhe vrima hunde si tub, u zbulua në vitin 2009 në pyjet e Papua, Guinea e Re. U shndërrua në një sensacion në internet nën emrin “Yoda bat” për shkak të ngjashmërisë me mjeshtrin Jedi në serialin “Star Wars”.
Delfini rozë i Amazonës
Delfinët e rinj të lumit Amazona, të njohur gjithashtu si delfinët rozë të lumit, janë pak a shumë gri e lehtë në ngjyrë, por disa prej tyre shndërrohen në rozë ndërsa rriten. Këta delfinë nuk janë miqësorë apo lehtësisht të trajnueshëm, e shumë rrallë jetojnë kur kapen.
Nga: Gazmend Arifi A e dini se deri në vitin 1930, iftari dhe syfyri njoftoheshin…
87 vjet më parë...Telegrami i Mehdi Frashërit për Benito Musolinin: Më mirë vdekjen se sa…
Glacier Express njihet si “treni ekspres më i ngadalshëm në botë” Të udhëtosh me tren…
Përdoret shpesh për urthin dhe duket e padëmshme, por soda e bukës mund të ndërveprojë…
𝐑𝐫𝐨𝐤 𝐙𝐨𝐣𝐳𝐢: 𝐄𝐤𝐬𝐩𝐞𝐝𝐢𝐭𝐚 𝐞𝐭𝐧𝐨𝐠𝐫𝐚𝐟𝐢𝐤𝐞 Kuruar nga Nebi Bardhoshi 📍Hapja e ekspozitës 🗓E premte, 10.04.2026, ora…
“Nderi”, filmi i suksesshëm malazez në gjuhën shqipe, vjen për herë të parë në Tiranë…