Trimëreshat shqiptare janë Teuta

Kthim tek të parët tanë (shkrimi #8)

Shkruan: Brilant GASHI

Nënat tona janë bërthama e parë për dashurinë e pastër për atdheun . Po të mos ishin këto nëna shqiptare , ne nuk do të njihnim dashurinë e vërtet ndaj kombit shqiptar . Këto nëna n’a mësuan se çfarë është t’a duash me gjithë zemër Shqipërinë mëmë . Po pra , nënat shqiptare janë të gjitha Teuta .

Besoj se nuk ka shqiptar në botë , që nuk e di se kush ishte Teuta . Ndoshta edhe disa nuk e dijnë dhe është e rëndësishme t’i them të tjerëve se kush ishte Mbretëresha Teutë .
Teuta ishte grua , e cila ishte mbretëresha e Ilirisë për tre vite ! Ndoshta mund të jenë vetëm pak , por brenda këtyre tre viteve , ajo bëri reforma të mëdha në Mbretërinë Ilire .

Mund të themi lirisht që gjatë kohës kur ajo ishte në fron , Mbretëria Ilire ishte në kulmin e lulëzimit të saj . Ajo zëvendësoi bashkëshortin e saj Agronin dhe pas Teutës në fronin e Mbretërisë Ilire erdhi Mbreti Gent . Teuta ishte një grua largpamëse ! Ishte njëra nga trimëreshat më të mëdha pellazgo-ilire , thjeshtë një shembull i mirë për trimëreshat e tjera shqiptare .

Teuta hipi në pushtet në një moment të vështirë për popujt ilirë , të cilët përballeshin me ambiciet për zgjerim të Republikës Romake , paçka se gjendja ekonomike e zotërimeve të saj ishte e mirë . Gjysmën e rrugës e la Agroni për t’a vazhduar Teuta jonë ilire , por të dy hipën në fronin mbretëror me të njëjtat plane .

Ndjej krenari të madhe për këtë grua të lavdishme , ashtu siç ndjej krenari edhe për të gjithë Kontinentin Ilirik , por edhe për burrneshat tona , për mënyrën se si kanë jetuar dhe mënyrën se si kanë vdekur për atdhe . Këto trimëresha janë më shumë se shqiptare ! Sepse ka diçka më shumë që i veçon ato : Ato janë largpamëse dhe sy patrembura – Edhe Teuta e Ilirisë ishte e tillë .

Nuk ishin vetëm tre vjet . Periudha e saj ishte më e madhja sepse për ilirët e lashtë , tre vjetët e mbretërimit të saj ishin si tre dekada . Ajo duhej të qëndronte më shumë në fronin mbretëror sepse e meritonte . Një udhëheqës , i cili është i drejtë me popullin , meriton të qëndroj me të (popullin) gjatë gjithë jetës . Kështu duhet t’ia bënte edhe Teuta e Ilirisë .

Trimëreshat shqiptare , gratë më të mira për kombin tonë të lashtë ! Shembulli më i mirë i trimërive të nënave tona shqiptare është pikërisht mbretëresha pellazgo-ilire , Teuta e Ilirisë . Plagët e lirisë dhe dhimbjen e tyre nuk e kanë ndarë me kombin tonë vetëm trimat dhe burrat e vërtet të pushkës . Në altarin për lirinë e mëmëdheut kanë qenë nënat , gratë , motrat tona iliro-shqiptare .

Në historinë tonë kemi një Shote Galica , që në atë kohë menduam se nuk do t’a kishim . Kemi nënat dhe gratë suliote , të cilat për të mos rënë në dorën e fëlliqët osmano-mongole , morën guximin për t’u hedhur nga shkëmbinjët e mëdhenj bashkë me foshnjat e tyre . Këto gra , janë Teuta , vetëm gra pellazgo-iliro-shqiptare , të cilat vdiqën me shembullin e mbretëreshës Teutë .

Aq sa ishte Mbretëresha Ilire largpamëse , ashtu ishin edhe gratë dhe nënat tona . Këto femra shqiptare kishin fuqi që me lotët e tyre të dhimbjes , të shëronin plagët e atyre djemve që morën vendimin për t’i dhënë jetën e tyre Shqipërisë mëmë . Këta ushtarë , janë ushqyer me bukën , dashurinë dhe ngrohtësinë e nënave tona , të cilat vepronin si Teuta e Ilirisë .

Respekt të madh për ato femra , të cilat gjithmonë kanë vepruar si mbretëresha jonë ilire , si Teuta jonë . Për gjithçka në botë , egziston edhe rimishërimi i tyre . Po ! Shqiptaret e vërteta janë rimishërimi i mbretëreshës dhe lartmadhërisë së saj Teutës .

Tradhëtia ka egzistuar për këtë femër të fortë . Edhe përkundër kësaj tradhëtie , ajo ishte e qetë dhe shumë e fortë . Plot qelbësira që janë mishërimi i Dhimitër Farit kanë tradhëtuar ndaj nënave tona . Femrat shqiptare janë më të mirat . Me plot krenari edhe them – Të gjitha trimëreshat shqiptare janë Teuta .