Shënimet sekrete të Njutonit: Kërkoi Ditën e Fundit te piramidat në Giza

Isak Njutoni shpesh konsiderohet si shkencëtari i parë modern, por që gjithashtu ishte i interesuar për gjëra pak më të ndryshme – piramidat dhe Ditën e Fundit.

Fizikani me famë botërore, ligjet e lëvizjes dhe gravitetit të të cilit më vonë do të dominonin kuptimin tonë të universit fizik për shekuj, ishte i pari që theu dritën e bardhë dhe tregoi një spektër ngjyrash.

Përveç kësaj, ai kaloi pjesën më të madhe të jetës së tij duke hulumtuar tema alternative “nga ana tjetër e shkencës” dhe ishte veçanërisht i interesuar për apokalipsin e mitologjisë Judeo-Christian.

Disa nga shënimet e tij për fundin e botës, të djegura nga zjarri që shkaktoi qeni i tij kur përmbysi qiriun do të shiten në ankand. Më shumë se 375,000 dollarë amerikanë janë ofruar tashmë për to.

Shënimet përshkruajnë me hollësi interesin e Njutonit për piramidat në Giza, si dhe për njësinë matëse egjiptiane të njohur si “bërryli mbretëror”. Ai besonte se nëse do mund të përcaktojë sasinë e kësaj njësie, kjo mund ta ndihmojë atë të pastrojë teoritë e tij të gravitetit dhe të “zhbllokojë” sekretet e gjeometrisë që do ta lejonin atë të parashikonte fundin e botës.

“Ai po përpiqej të gjente prova për teorinë e tij të gravitetit, por gjithashtu besohej se egjiptianët e lashtë ruanin sekretet e alkimisë që ishin humbur ndërkohë”, tha specialisti i dorëshkrimeve i Sotheby, Gabriel Heaton për BBC.

Sigurisht, në kohën kur ai po shkruante artikullin që pritet të dalë në ankand, shumë prej atyre ideve u konsideruan heretike dhe nuk mund të botoheshin, prandaj u ndanë vetëm privatisht.