<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Nga problemet me tiroiden tek mungesa e hekurit; ç’tregojnë thonjët e dobët për shëndetin tuaj

Sipas Kolegjit Osteopatik Amerikan të Dermatologjisë (AOCD), thonjtë e brishtë ndahen në dy kategori: të thatë dhe të dobët ose të butë dhe të dobët.

Thonjtë e thatë dhe të dobët janë rezultat i mungesës së hidratimit. Ato zakonisht shkaktohen nga larja dhe tharja e përsëritur e duarve. Nga ana tjetër, thonjtë e butë dhe të dobët shkaktohen nga lagështia e tepërt, shpesh rezultat i ekspozimit ndaj detergjentëve, produkteve pastruese të shtëpisë dhe pastruesve të manikyrit.

Shkaqe të tjerë të thonjve të dobët përfshijnë:

Mosha: Thonjtë zakonisht ndryshojnë me rritjen në moshë.Teksa thonjtë e këmbëve zakonisht bëhen më të trashë dhe më të fortë, thonjtë e duarve bëhen të hollë.

Mungesa e hekurit: Kjo gjendje ndodh kur trupi nuk merr hekur mjaftueshëm, gjë që çon në nivele të ulëta të qelizave të kuqe të gjakut. Mjeku mund të masë nivelin e ferritinës dhe të sigurojë suplemente nëse konstatohet se keni nevojë.

Hipotiroidja: Së bashku me thonjtë e dobët, simptomat e niveleve të ulëta të tiroides mund të përfshijnë humbje të flokëve, lodhje, shtim në peshë, kapsllëk dhe depresion.

Sindroma e Raynaud: Një çrregullim i rrallë i enëve të gjakut, zakonisht në gishtat e duarve dhe të këmbëve. Kjo bën që enët e gjakut të ngushtohen kur jeni të ftohtë ose ndjeheni të stresuar. Kur kjo ndodh, gjaku nuk mund të dalë në sipërfaqen e lëkurës dhe zonat e prekura bëhen të bardha dhe blu.

Kjo gjendje mund të ndikojë te shëndeti i thonjve.

AOCD ofron një këshillë diagnostike për t’ju ndihmuar të përcaktoni nëse thonjtë e dobët janë shkaktuar nga një gjendje e brendshme ose nga faktorë të jashtëm të mjedisit: “Nëse thonjtë e duarve këputen dhe janë të dobët, por thonjtë e këmbëve janë të fortë, atëherë një faktor i jashtëm është shkaku.”

Si të mbroheni nga faktorët e jashtëm?

– përdorni krem për duart
– kur bëni punët e shtëpisë, si larja e enëve, vendosni doreza
– shmangni ekspozimin e zgjatur ndaj motit të ftohtë dhe të thatë
– mbajini thonjtë e shkurtër për të shmangur këputjen
– mos i mbani në gojë ose mos i kafshoni
– zgjidhni pastrues manikyri që nuk përmban aceton/

postbck postbck