Këto ushqime largojnë yndyrën në gjak

Nëse keni kolesterol të lartë dhe nuk e dini se çfarë të bëni, vendi i parë ku duhet të shihni në këtë situatë është pjata.

Nëse jeni mësuar të hani hamburger dhe pulë të pjekur, atëherë ushqimi i shëndetshëm mund t’ju duket pa shije, por pa frikë. Nuk duhet të sakrifikoni shijen për t’u ushyer mirë, ja ushqimet që ndihmojnë për të ulur sasinë e kolesterolit në gjak.

Qepa

Sipas një studimi, qepa mund të parandalojë inflamacionin dhe humbjen e elasticitetit të arterieve, që mund të jetë pozitive për personat me kolesterol të lartë. Hidhini qepën në sallatë, vendosini në sanduiç dhe kudo në gjella dhe do të shini sa dë të ju ndihmojë.

Kërpudhat

Një studim i vjetër, por ende i besueshëm, ka gjetur që përbërësit ushqyes të kërpudhave ndihmojnë në uljen e niveleve të LDL (kolesterolit të keq) dhe rritjen e niveleve të HDL (kolesterolit të mirë). Edhe pse objekt i kërkimeve kanë qenë kërpudhat shiitake, shumë lloje të tjera që gjenden në dyqan, mendohet që ulin kolesterolin.

Specat djegës

Asgjë nuk e nxit qarkullimin e shpejtë të gjakut në mënyrë më të mirë sesa specat djegës. Capsaicin, që ndodhet në specat djegës mund të ulë kolesterolin në gjak. Ju mund t’i përdorni në disa gatime, supa apo salca. Nëse nuk ju pëlqen shija pikante, niseni me speca të zakonshëm, për t’u ngjitur pastaj në shkallën e ushqimeve djegëse.

Farat e chias

Farat e chias janë përplot me omega-3 të thartirave yndyrore, të cilat ndihmojnë në rregullimin e kolesterinës së mirë dhe të kolesterinës së keqe në gjak, ato përfundimisht ndihmojnë edhe në shëndetin e zemrës.

Kokrrat e tërshërës

Kokrrat e tërshërës pastrojnë zorrët nga yndyrat, sepse fibrat e tërshërës të njohura si beta-glukan, pothuajse thithin të gjitha yndyrnat prandaj kolesterina as që hyn në gjak dhe në qarkullim të gjakut. Një filxhan kokrra tërshëre do t’i plotësojë nevojat ditore për beta-glukan, mirëpo fibra të tilla ka edhe në elb dhe në alga.

Në ushqim kohë pas kohe përdorni edhe avokado, sepse avokado pos që ulë kolesterinën LDL, mbron edhe arteriet.