<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Studiuesit i japin fund misterit të mesazhit të shkruar në pikturën e famshme

Një hulumtim i detajuar i fundit nxori në pah një detaj të panjohur për një nga pikturat më të famshme në botë, “Britma” e Edvard Munch. Mesazhi i shkruar në këndin e sipërm të majtë të pikturës, për të cilin mendohej se ishte një akt vandalizmi, në fakt është shkruar nga vetë Munch.

Museu Kombëtar i Norvegjisë zbuloi se fraza “Kan kun være malet af en gal mand” (Mund të jetë pikturuar vetëm nga një i çmendur) u shkrua nga vetë artisti, duke zgjidhur kështu një nga misteret e veprës.

“Shkrimi është padyshim i Munch,” tha (përmes CNN) Mai Britt Guleng, kuratori i muzeut. “Vetë shkrimi i dorës, si dhe ngjarjet që ndodhën në vitin 1895, kur Munch prezantoi pikturën në Norvegji për herë të parë, të gjitha tregojnë të njëjtin drejtim.”Ju pëlqen!

Nisur nga fakti që piktura nuk u vlerësua nga disa kritikë të kohës, studuesit janë të mendimit se fraza ishte një reagim i artistit të zhgënjyer nga kritikat.

“Në një natë diskutimi në Shoqatën e Studentëve, ku Munch besohet të ketë qenë i pranishëm, një student i mjekësisë vuri në dyshim shëndetin mendor të Munch duke pretenduar se pikturat e tij vërtetonin se ai nuk kishte mendje të shëndoshë. Ka mundësi që Munch të ketë shtuar mbishkrimin në vitin 1895, ose pak më vonë në përgjigje të gjykimit mbi punën e tij,” tha muzeu.

“Britma” mendohet se frymëzua nga përvoja e Munch teksa shëtiste gjatë muzgut në Olso, kur qielli u bë jashtëzakonisht i kuq dhe i përjetoi një gjendje shqetësuese fizike dhe mendore. Megjithatë interpretimi i saj mbetet çështje këndvështrimi.

Kryevepra ekspresioniste është një nga veprat më të famshme të kohëve moderne, e konceptuar vazhdimisht si një përshkrim i përjetshëm i ankthit njerëzor. Fytyra e subjektit është kaq e njohur, sa ka shërbyer edhe si frymëzim për krijimin e një emoji (emoji: U+1F631).

postbck postbck