<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Kur Australia njihej si “Hollanda e Re”

Një kuriozitet historik e gjeografik disi i harruar është fakti që dikur Australia njihej si Hollanda e Re. Kjo është përpara se të popullohej nga europianët.
Disa shënime historike tregojnë se emërtimi “Hollanda e Re” u përdor për herë të parë nga detari hollandez Abel Tasman. Një hartë e vitit 1644 përdor të njëjtin emër.
Hollandezët ishin pararendës në zbulimin e pjesëve të panjohura të globit për europianët. Në atë kohë hollandezët blenë edhe ishullin e Manhattan-it, Nju Jorkun e sotëm që fillimisht njihej si Amsterdami i Ri. Anglezët që zëvendësuan hollandezët më vonë e ndërruan në Jorkun e Ri, emrin që mban edhe sot.
Ngjashmërisht edhe Hollanda e Re filloi të humbiste si emërtim në favor të emërtimit tjetër konkurrues, Terra Australis (“toka jugore” në latinisht).
Hollanda e Re nënkuptonte për një kohë të gjatë më shumë se Australinë e sotme. E gjithë hapësira përreth thirrej me këtë emër. Po kështu edhe Terra Australis shpesh përfshinte të gjithë hapësirën e pazbuluar në jugun gjeografik të globit, duke përfshirë për disa edhe Antarktidën.
Në fund, “Hollanda e Re” filloi të “tkurrej”. Kur anglezët u vendosën në Sidnej, duke krijuar një vendbanim me rëndësi, rajoni përreth filloi të njihej si Uellsi i Ri. Vendbanimet dhe emërtimet e tjera e çuan drejt shuarjes e pastaj drejt harresës emrin “Hollanda e Re”.
Emërtimi mund të gjendet në harta të vjetra, të kohëve kur ende nuk ishte gjurmuar i gjithë bregdeti i ishullit-kontinent, e sidomos përpara se të eksplorohej e të popullohej hapësira e brendshme.
Në krahasim me Amerikën Veriore e Jugore, popullimi i Australisë erdhi shumë më vonë. Në fillim të shekullin të kaluar, edhe një numër i konsiderueshëm shqiptarët u vendosën aty, përfshi edhe tre vëllezër të gjyshit tim me familjet e tyre.
Më vonë, mërguan edhe shqiptarë nga Maqedonia, Kosova e Turqia, si edhe një numër më i vogël shqiptarësh pas rënies së komunizmit dhe gjatë luftërave në Jugosllavi. (Ruben Avxhiu)