Në vitin 1808, Napoléon Bonaparte (Napoleon I) nënshtroi Republikën e Raguzës (lat. Respublica Ragusina)

Në vitin 1808, Napoléon Bonaparte (Napoleon I) nënshtroi Republikën e Raguzës (lat. Respublica Ragusina), një shtet mesjetar simbol i lirisë sipas motos “Liria nuk mund të shitet (ose blihet) as për gjithë arin e botës” (“Non bene pro toto libertas venditur auro”)!

Pas shfuqizimit të Republikës së Raguzës më 1808, zona e qytetit iu nënshtrua fillimisht Mbretërisë Italiane të Napoleonit dhe nga 1810 deri në 1814 u përfshi në provincat ilire franceze. Përkundër pakënaqësisë me qeverinë franceze, rendi i vjetër u shfuqizua gradualisht në atë kohë (1808–14) dhe u prezantuan arritjet themelore të shoqërisë civile: ndarja e pushtetit gjyqësor dhe administrativ dhe barazia para ligjit. Me ndihmën e flotës britanike dhe kryengritësve lokalë, Raguza u kap nga trupat austriake më 28 janar 1814. Me vendimet e Kongresit të Vjenës më 1815, territori i ish-Republikës së Raguzës i përkiste Monarkisë së Habsburgëve, ndërsa Raguza u bë qendra e njërit prej katër rretheve të provincës austriake të Mbretërisë së Dalmacisë në 1817. Në vitin 1918 u përfshi në Mbretërinë e Jugosllavisë (SKS). Shumë nga ndërtesat historike të Dubrovnikut pësuan dëme në vitet 1991–92 gjatë luftës së Kroacisë për Pavarësi. Mirëpo, pjesa e madhe e qytetit të vjetër është restauruar!

Marrë nga Jahja Drancolli, profili në FaceBook. /InforCulture.info