Çka është mjegulla e trurit dhe si trajtohet ajo?

E sigurt të themi që të gjithë jemi duke u ndjerë më shumë se paksa të mbingarkuar me gjendjen aktuale në botë për shkak të pandemisë me koronavirus dhe kjo mund të çojë në disa momente të trurit të mjegulluar.

Jessica Caldwell, një neuro-psikologe dhe drejtoreshë e Qendrës së Parandalimit të Lëvizjes Alzheimer të Grave në Klinikën Cleveland – SHBA, thotë se mjegulla e trurit është një term që shumë njerëz e përdorin kur nuk ndihen të mprehtë sa ishin më parë ose përballen me vështirësi në përqendrim.

Ajo thotë se mjegulla e trurit nuk është pasojë e moshës, por vërehet te shumë pacientë në çdo moshë dhe se stresi është një shkas i njohur.

“Simptoma të tjera përfshijnë harresën, ose të tregoheni më i ngadaltë kur jeni duke u përpjekur të mbani mend gjërat – pothuajse sikur të ndieni trurin tuaj duke u dridhur, por jo duke qëlluar në të gjithë cilindrat”, thotë Caldwell.

Çfarë e shkakton mjegullën e trurit?

Ka një numër arsyesh që mendja juaj mund të ndjehet e mjegullt, duke përfshirë stresin, gjumin e pamjaftueshëm, menopauza, efektet anësore të ilaçeve, gjendja shëndetësore si rezultat i dëmtimit të kokës, problemet e tiroides ose fazat e hershme të sklerozës multiple.

Kur është mjegulla e trurit shenjë serioze?

Nëse po përjetoni ndonjë nga këto katër simptoma, vizitoni mjekun tuaj për të marrë një kuptim të asaj që mund t’i shkaktojë ato:

-Ju keni ndjerë mjegull për muaj të tërë dhe asgjë (më shumë gjumë, më pak stres) nuk e bën atë të zhduket.

-Mjegulla e trurit ju nxit të bëni gabime të mëdha në punë, me financat tuaja, ose në mënyra të tjera që kanë ndikime të konsiderueshme negative.

-Keni simptoma të tjera përveç mjegullës së trurit, si një ndryshim në ekuilibër ose dhimbje të re.

-Ju nuk mbani mend bisedat që keni pasur me familjen dhe miqtë (megjithëse ata thonë se keni qenë krejtësisht koherent).