Shqipëria ka shënuar një përmirësim në drejtim të lëvizjes së lirë të qytetarëve pa viza. Këtë e konfirmon edhe raporti i fundit i “Hanley&Partner” i cili e rendit Shqipërinë në vend të 48, i takon pasaportave më të fuqishme në botë.
Kështu, qytetarët shqiptarë mund të lëvizin lirshëm drejt 116 vendeve të huaja, pa pasur nevojë të ndjekin procedurat e marrjes së vizave. Ndërkohë, në indeksin e publikuar në muajin janar (i cili rishikohet çdo tre muaj), Shqipëria listohej e 50-ta, me lëvizjen e qytetarëve pa viza drejt 115 vendeve.
“Shqipëria, për shembull, ka lëvizur deri në 28 vende në indeks gjatë dhjetë viteve të fundit, ku qytetarët mund të lëvizin në 116 destinacione pa vizë paraprake”, thuhet në njoftimin zyrtar të “Hanley”.
Shtetet ku mund të udhëtohet pa vizë afatshkurtër janë: Bosnja, Brazili, Bullgaria, Danimarka, Estonia, Finlanda, Franca, Greqia, Gjeorgjia, Gjermania, Holanda, Hong-Kongu, Hungaria, Islanda, Italia, Izraeli, Koreja Jugore, Kroacia, Letonia, Lihtenshtejni, Lituania, Luksemburgu, Makao, Malajzia, Mali i Zi, Malta, Maqedonia, Monako, Norvegjia, Polonia, Portugalia, Qipro, Çekia, Rumania, San Marino, Serbia, Singapori, Sllovakia, Sllovenia, Spanja, Suedia, Turqia dhe Zvicra.
Ndërkohë, në kontinentin europian pasaporta gjermane mbetet dokumenti më i fuqishëm i udhëtimit, ku shtetasit gjermanë mund të lëvizin pa viza drejt 188 vendeve.
Ndërsa, Japonia, Koreja e Jugut dhe Singapori vijojnë të kryesojnë listën si vendet me pasaportat më të fuqishme në botë, duke ndarë mes tyre vendin e parë. Mbajtësit e pasaportës së secilit nga këto tre vende mund të vizitojnë 189 shtete pa pasur nevojë për vizë.
Nga ana tjetër, vendi europian me pasaportën më ‘të dobët’ është Kosova, e cila renditen në vend të 95, ku qytetarët mund të lëvizin lirshëm vetëm drejt 43 vendeve, duke përfshirë katër vendet fqinje, Shqipërinë, Malin e Zi, Serbinë dhe Maqedoninë.
Njerëzit mendojnë se problemet seksuale, gërhitja apo gjakderdhja janë probleme të vogla shëndetësore. Për…
Sipas një studimi të fundit, emri Sofia është shpallur si emri më i bukur…
Oborri juaj mund të duket mirë, por barojat veprojnë në heshtje. Ja si t’i…
Qindra mijëra emigrantë që u shpërngulën në Gjermani po mendojnë të largohen nga vendi,…
Një studim i ri i kryer në Mbretërinë e Bashkuar, ka zbuluar se konsumi…
Legjendat urbane na kanë shoqëruar gjithë jetën, sidomos kur bëhet fjalë për shëndetin. Më…