Ja si ndikon koronavirusi tek njerëzit me presion të lartë të gjakut

Nëse keni presion të lartë të gjakut është mirë të bëni kujdes të veçantë për të mbrojtur veten gjatë pandemisë së koronavirusit.

Të dhënat nga Kina dhe Italia tregojnë rrezik më të lartë të infeksioneve dhe komplikimeve të COVID-19 te njerëzit me presion të lartë të gjakut shkruan webmd.

Në Kinë, 25% deri 50% të njerëzve që shkonin në spitale me koronavirus kishin tension të lartë ose një gjendje tjetër shëndetësore si kanceri, diabet ose sëmundje të mushkërive.

Si ndikon koronavirusi tek njerëzit me presion të lartë të gjakut?

Presioni i lartë i gjakut dëmton arteriet dhe zvogëlon rrjedhën e gjakut në zemrën tuaj. Kjo do të thotë që zemra juaj duhet të punojë më shumë për të pompuar gjak të mjaftueshëm.

Me kalimin e kohës, kjo punë shtesë mund të dobësojë zemrën tuaj deri në atë pikë sa të mos mund të pompojë sa më shumë gjak të pasur me oksigjen në trupin tuaj.

Koronavirusi gjithashtu mund të dëmtojë zemrën drejtpërdrejt, i cili mund të jetë veçanërisht i rrezikshëm nëse zemra juaj tashmë është dobësuar nga efektet e presionit të lartë të gjakut.

Virusi mund të shkaktojë inflamacion të muskujve të zemrës të quajtur miokardit, gjë që e bën më të vështirë pompimin e zemrës.

Studimet e kaluara kanë treguar që njerëzit me sëmundje të zemrës që marrin një sëmundje të frymëmarrjes si gripi ose llojet e mëparshme të koronavirusit, kanë më shumë rrezik për një sulm në zemër./GazetaShneta/